一個書生既Player故事: 二三三

「Hello，佢想租一部單車。」Wade同一個幾後生既男店員講。

「呀唔係，都係買啦。想問有咩款介紹？」

Wade感到好驚訝：「Oh my god！你黎咗兩個禮拜都仲未買單車。」

「宿舍無單車租，個個都自己有，行廿分鐘去到市中心租我不如搭地鐵算。」

「一手定二手？」店員問。



我望住價錢牌，都差成倍，我就話：「二手啦。」

店員拎咗幾架單車俾我試，呢度既單車比起香港少咗陣膠味，即使係二手，保養得好妥當，都唔會覺得佢殘舊。

我俾其中一個皮Pad既單車吸引住，就出去試單車。

坐上去，好似太大部，雙腳都唔可以輕鬆掂地。

荷蘭人真係生得好高，男士個個180，連女既好多都高過170，連單車都大部過人。



店員話依個高度ＯＫ，剛剛好。

「呢度D人係慣咗騎咁高，啱嫁啦。」

我再試一試個Brake。「咦？無Brake既？」

「Oh.. 呢度係用Pedal brake，即係用腳制踩向後方向黎剎車，無Hand brake嫁。」店員解釋。

「Fixed gear / coaster brake / leg brake都係咁解。唔好問我有咩分別，我都唔識嫁。」Wade話。



「一開始係唔慣，踩耐咗就慣。」

「OK 咁就呢部啦。」

「你要買幾多個鎖？」店員問。

「呢架單車唔係附埋內置鎖？」真係幾靚嫁！佢有一條好粗既鎖係連埋單車主幹，大大減底咗什人剪鎖既機會：「呢度治安咁好，去Volendam連屋企門都開住唔鎖，邊有人偷野呀。」

「睇你實係啱啱黎荷蘭乜都唔知啦。喺呢度治安好，唔適用於單車，單車失竊問題好嚴重嫁。」男店主話：「我呢度既單車都有晒單據證明唔係贓車，你可以上網查到個序號嫁。」

「我再免費幫你畫名，減少俾人偷既機會。」

男店員用金色既顏料幫我係車身用潦草寫咗「Scholar」，手字靚到好似書法家咁，呢架二手單車頓時變得獨特。

佢幫我上網做單車登記去取代返前單車主既資料。



我見佢服務咁好，最後都聽佢講買咗兩個巨型單車鎖，呢個款好少人放二手出黎，無理由因為慳個鎖而無咗部單車咁蠢嫁。

雖然我都唔知有無需要用三個鎖去鎖單車咁誇張。

個店員好後生，大約廿幾歲，吹吹下水先知原來佢係店主。

佢話自己德國黎既留學生，開間單車舖黎幫補下學費，同有個地方同朋友過下日晨。

聽落都幾寫意。

我同Wade仲同佢影埋合照先走。

今日喺Rotterndam係令我感到神奇既買單車體驗，文化衝擊了。