喺機場既巴士等待區,我問Michelle:「你住邊呀?」
 
「九龍塘。」
 
「有錢女。」咁又係,去得Exchange家底都唔會太差。
 
「咁你呢?」
 
「我住中環,唔順路。我送你去巴士站搭E22啦。」
 


我盡最後既禮儀幫Michelle搬行李去巴士站。
 
等佢上埋車一切就完結,返香港都不及我可以脫離Michelle既期待。
 
因為環境而隨便一齊既關係,由第一日開始就知道唔會長久。呢種關係就好似一個沙漏,時間不停流走。
 
沒多思考地靠近,一步一步疏離。
 
前一晚無Good bye Q,此刻既我亦都無再拖住Michelle既手。
 


其實,換咗邊個女仔,都會有一樣既事情發生。
 
我同Michelle並無什麼共患難特別經歷,極其量只係一段酒肉朋友、一齊玩既關係。
 
我會記得既係冰島既美好,而唔係同Michelle既點滴互動。
 
同唔鐘意既人分手根本就唔會心痛。
 
我同Michelle不發一言等待巴士,唔知道佢諗緊既係咪同我一樣既心事。
 


我唔打算講分手,唔想大家既關係變到咁難睇。
 
我希望大家少D聯絡,自然完結。
 
「拜拜。」車到了,Michelle向我報以一個官方既微笑。
 
「拜拜。」我都同Michelle微笑。
 
再見啦,Michelle。
 
無論事情是好是壞,總有一個期限。
 
雖然你D港女脾氣真係好難頂,但都要多謝你陪我密密Msg傾計,確實令到我Exchange既生活無咁寂寞。