一個書生既Player故事: 二六七

拜Wade所致，好快成個Hall識我既人都知道我就係Michelle手機片段既男主角，亦都係人都知我住半山。
 
呢件事對我有奇怪既影響。

喺呢個Hall既情況特別，D人至多笑下你，唔會好似出面咁因而疏離你、唱你，仲多咗人帶有目的咁痴埋黎。

女人做公廁係一種罪過，男人花心風流喺某D人眼中卻係好不羈、好Charm既事，我唔明白對感情唔認真有乜野咁值得人「欣賞」。

住咗Hall之後，我既生活有明顯既改變。
 


平時我喺學校既活動時間就係返學到放學，然後就係校外既私人時間。
 
而家學校既活動時間係24小時，基本上唔會有私人既時間。
 
點解？因為我住Hall囉。
 
就算Parsons成日做莊務搞到凌晨先返黎，我都唔會有靜既一刻。
 
同層既人都會成日敲門黎搵你，食飯、食糖水、食宵夜、借卡增值冷氣機或者去洗衫、睇戲、打機、打牌、飲酒。。
 


乜野都好，總之每日都會有各式各樣既活動去Hea走你既時間。
 
有一次飲酒後見識過唔係情侶關係既CK同Hailey打茄輪。同層既客套都消失得無影無蹤，現晒形，大部份女仔玩既時候從不避忌同我有身體接觸，攬頭攬頸係基本，某幾個唔算熟既女仔仲會摸埋我既大脾內側、拍我細佬，似係想同我發展SP關係，但暫時我都未有兩個人相處既機會。
 
我幾肯定自己已經被好多肌渴既淫蕩女仔Mark實。畢竟，去搵一個有SP既人做SP，一定容易過乜都唔會做既乖乖仔。