我:【Michelle,你做緊咩呀?】
凌晨兩點,Michelle好快就回覆我:【我訓唔著...】
我:【我啱啱去完Roommate既Con day,黎搵你?】
Michelle:【咁突然?..】
我:【諗起你,唔知你近來點樣,想見下你】
Michelle:【咁你而家過黎啦】
 
去到Michelle屋企門口,我打電話叫佢出黎。
 
Michelle帶住副眼鏡,著住深藍色綿質好舒服既短褲同埋拖鞋出黎,上次Jerry Post片果晚,佢喊到豬頭咁都仲會戴Con打扮一下!今日大概係我認識Michelle以黎,見過最頹打扮既一日。


 
「我地周圍行下?」我同Michelle講。
 
「嗯,你今日無揸車?我地要去邊?」Michelle微笑。
 
「無阿,我喺Hall落黎。我地去南山間M記食雪糕啦。」要人半夜同我行去南山,都唔知係我陪佢,定佢陪我。
 
「好呀。」
 
「你呢排點呀?」我問Michelle。


 
「。。幾好呀。」Michelle淡淡的答我。
 
「真係?Jerry件事之後。。」
 
「。。。」Michelle停頓,深呼吸咗幾秒:「可能會上庭同Jerry打官司。我屋企人話要告到佢褲甩。」
 
「下?點解無搵我做證人既?」
 
「都唔知最後上唔上庭,可能庭外和解呢。」Michelle話。


 
「我唔想打官司,我想低調啲件事快啲完無人記得。打官司又會有新聞或者有人出Post討論,又要問我十幾萬次,又要當住咁多人面前播返條片,好煩。。」
 
「告佢不誠實使用電腦,要受到應有既法律制裁!」
 
「就算判到佢最重都係好輕罰下錢姐,為乜,咪即係玩死自己。啲野都流出晒,改變唔到我係雞係公廁既事實。」
 
「我唔覺得你係雞係公廁。」我口裡咁講,雖然我之前都覺得你係雞係公廁。
 
「全世界都覺得。」Michelle將佢電話俾我睇,IG Direct全部都係問價、叫佢做SP、話佢含得好好、好淫盪、Send自己打飛機既相、唔覆就話人扮清高、叫人出街要小心啲等等好騷擾既說話。
 
「反正都係俾人話公廁,不如去做一個真正既公廁。」Michelle自暴自棄。
 
如果我係女人,已經係一個不折不扣既公廁。
 


「問題係,你心底真係想做公廁咩?」
 
「唔係。。我都係想同有Feel既人搞姐。」
 
「唔想咪唔好做。點解要因為人地既說話而迫自己做D唔想做既事姐?」
 
我從佢既眼神中感到一份抑鬱。
 
一年前啱啱喺船P認識佢既時候,大家仲好開心有講有笑。
 
如今佢嘗試擠出笑容,強顏歡笑既樣子叫人格外心痛。
 
就咁睇佢對答正常,只係唔開心,又未到做傻事既地步。
 
呢個念頭直到我去到M記同佢坐底食雪糕推翻咗。


 
因為燈光既關係,我見到佢手腕位置有𠝹手既痕跡,Michelle媽媽輕描淡寫既一句𠝹手,原來比想像中嚴重得多,𠝹到左手半個手臂都係刀傷既痕跡,非常恐怖。
 
「你隻手。。」我話。
 
「。。。」Michelle沒有回應我。
 
我摸摸佢既頭,用好溫柔既語氣講:「唔好再傷害自己,好多人會唔開心。」
 
我唔知Michelle明唔明白,但希望佢會感受到自己係有人關心、有人緊張。
 
「我地講下其他野啦,成日提件事好悶。」我轉移話題。
 
「有無睇過依條片?D倉鼠好得意。」
 


 「好想養返隻。」

「我買隻俾你?」我諗養寵物會對厭世既人有種寄託同埋責任心掛。

「真係?」

「嗯。但你要應承我好好照顧佢。」

「好呀。」Michelle好爽快咁答應咗。

「聽日一齊去揀?」我約佢。

「唔啦,我唔想日頭出街。你買完拎俾我啦。」咁嚴重。

「咁呀,好啦。」自己養寵物都唔親自去揀。。。



「你去到影相俾我睇啦。」

「嗯。就咁話啦。」

「到啦。返去好好訓啦。」唔覺唔覺,已經凌晨三點半,我送到Michelle返屋企門口。

「嗯。多謝你,返到去話我知啦。」

正當Michelle諗住轉頭入去既時候,我俾咗一個擁抱佢:「Good Night。」

「唔好再亂諗野啦。」

「拜拜。」唔好再亂諗野啦,你屋企人會好擔心。