一直以黎,我都好想認識Stephanie,Felix既介紹令到佢經常出現喺我地既生活範圍。
 
但,你懂的,一班人喺度,係好難有更進一步既認識。
 
如果要講到我幾時先真正同Stephanie認識,有較直接深入單獨既對話,就要由今日講起。
 
 
趕Deadline、眼訓、病、無心機、要打機、無胃口。。。
 
我用過無數個理由推搪Carmen既邀約,但Carmen仲未意識到我對佢既煩厭,依然好想約我見面,佢真切相信我只係忙碌先見唔到佢。


 
小姐,哪來既自信?
 
講真,係有心見面,無論幾忙我都可以抽到時間出黎。
 
你就應該收到Signal調節自己做既野,係咪你既身份可以做既。
 
知道人地對你無興趣,扮無事發生我地都可以繼續做朋友。
 
下下都要人畫公仔畫出腸,搞到關係咁薑,係咪就係你想要無悔一試既結果呢?


 
唔通你真係相信,一個從來唔俾回應你既人,會接受你既愛,仲會突然同你熱戀?
 
 
 
 
畢竟我地住喺對面房咁近,佢要搵我,過黎對面房就得。
 
除非我唔返房,但我唔會因為Carmen而妥協返屋企避佢。
 


今晚係一個林書生逃避唔到Carmen既日子。
 
聰明既Carmen早已入侵Felix既房間,等待獵物林書生出現。
 
我同Parsons一入去Felix房,除咗Wade同Felix,仲見到Carmen,心感不妙,當下已經準備離開。
 
Wade屌晒鬼咁叫我留底,跟機玩2k18,咁我就留喺度打咗幾場。
 
應酬完Wade打完機,我攤坐於床上,我突登喺Carmen面前玩交友App,一般女仔都唔會鐘意玩交友App既男仔,覺得佢搵食同埋花心,雖然我俾人既形象早已係咁。
 
「呢條女幾正喎。」我喺Happn度隨便指住一個女仔。
 
Wade聽到有女,同平時一樣即刻狗衝過黎:「邊個?」
 
「Year 1 BBA。。咁細個。。識唔識?」 我問。


 
「呢度得你同Parsons係BBA。」Felix話。
 
「唔識。」我同Parsons都話。
 
 
推門既聲音,一個嬌笑可愛怕怕醜醜既女仔入咗黎,就係被訓練到識得不請自來既Stephanie。
 
佢行入房,見到我地幾個對住坐,望住部電話。
 
Stephanie靜靜行入黎,坐咗喺我隔離,八掛我地傾緊乜。
 
 「你地平時都有玩呢D app架?」Stephanie好奇問。
 
「無野做咪玩下囉,有免費雞上門喎。」我刻意講俾Carmen知我係一個會當人係雞既仆街,希望佢可以知難而退。



「有無成功約過炮先?」Carmen無出聲,反而係Stephanie追問我。睇黎佢呢個乖乖女對於玩家既事情非常好奇。

「點會無呀。」我拎咗Maisy張相俾Stephanie睇:「前排食左依條女,好正,又白又大波又淫。」

「下?依個咪Maisy。」Stephanie望完張相,眼都突埋。

「你識佢架?」 我問。我仲以為有同學做ptgf,全班都會知。

「我果班既。平時咁摺,真係睇唔出佢原來咁open。」可能呢張相,就係你了解Player世界既開始。

就係果個傳說同你不曾接觸既地下世界。

最好唔好有興趣,因為定力唔夠,好容易會被誘惑,陷入去,變成對感情唔再認真既一份子。





「食過一次,點知Maisy同我講佢係做ptgf,果次係試做。再搞就要收錢。」Stephanie好似仲想問我食評,我答埋佢:「佢真係好淫,好主動。扑完之後,我都有D心動想去俾錢。」

我又望一望Parsons,佢即刻唔出聲,因為其他人唔知道Parsons經我介紹,搵過Maisy扑野。我好識做,唔會爆你大獲咁衰既。

「佢咩價位?」Stephanie眼都突埋,嘗試做好表情管理。

「$1000蚊一Q。」

「書生你咁有錢,$1000蚊算得D咩?」原來Stephanie都聽說過我屋企有錢。

「我鐘意你情我願咁扑多過要俾錢。」

「哦~如果我去做援交你覺得我值咩價位?」



咩料呀。。。我開心Share張相俾你睇,唔係叫你做雞!激死!

全場都笑左出聲,我唔知點答佢。

「你呢D質素?你俾返錢我差唔多呀?」Parsons即刻答。

「你唔係諗住去做ptgf呀嘛?」Felix用疑惑既樣望住我問。

「Step你等錢洗果陣記得搵書生幫你,哈哈,佢識好多雞蟲Frd。」呢句說話內藏玄機。第一,就係想Stephanie對我印象變差,唔好同佢爭食;第二,佢暗示既雞蟲Frd,正正就係Step既前男友Ken,好諷刺。

「講下笑姐。」Stephanie話。

「你真係要做雞,記得通知我。」我話。

「做咩呀?想幫襯我?」Wow進擊的Stephanie?佢學野好快,已經識得同我地講笑,搞到我唔知要用乖乖女既語氣,定係用撩女仔既嘴賤語氣黎同佢講野。

「係呀,買起你。唔好學壞。」我溫柔地同Step講,無視Carmen既葡萄。