一個書生既Player故事: 三二八
Carmen：【好可愛既貓仔（Fb片段）】
Carmen：【你會唔會買呢隻新Game？】
Carmen：【我喺屋企食完飯返緊黎，你幾時返Hall阿？】
Carmen：【我係咪好煩阿？】
Carmen既每一個Message都令我覺得好煩好滋擾，忍無可忍。
我唔想再理Carmen，佢既Message我連覆都唔覆，由得佢一個人單機。
廢時佢再入黎我間房煩住曬，阻住我同Stephanie。
我決定快刀斬亂麻，將我既心意講清楚，迫Carmen面對現實，無得再詐傻扮懵。
我：【我已經有鐘意既人，Sorry】簡而精，Good。
Send咗出去無耐，我就收到Carmen既奪命追魂Call，煩到我要較勿擾模式。
不消一會兒，經已累積30個Miss Call。
望住時鐘，心裡暗自數著Carmen應該差唔多返到Hall。
就落去樓下搵我記掛既Stephanie，順便避一避風頭。
Carmen：【點解？】
Carmen：【你同我講清楚】
Carmen：【你喺邊度？】
我：【已經好清楚，無需要再講D咩】
電話Mon一著就會見到Carmen打電話黎，廢咗我部電話，所以我並無喺Whatsapp預告Stephanie，懶理佢Roomate喺唔喺房，逕自推門進入佢既房間。
「呯！」咦？一推就開到門，Stephanie竟然無好似平時咁鎖門既？
「死毒撚，而家唔鎖門啦？」我調侃Stephanie。
「上次俾你話完毒咪唔鎖囉。」佢因為我既一句說話，改變一直以來既習慣？定係佢一直期待緊我會黎搵佢，所以做好準備呢？
會唔會連內衣褲都Ready咗襯返同一Set？
Stephanie話：「做咩呀？岩岩扑完野咁快掛住我想見我？」
「係啊。見唔到你好寂寞，想搵你一齊訓。」我用講笑既語氣話。
「喔。。咁。。咪訓囉。。」Stephanie被我呢句說話搞到怕醜。
「對住我發晒姣咁，心動呀？」我話：「唔好鐘意我啦。」
明明想佢鐘意自己，林書生口是心非既程度直迫港女。
我唔客氣地一野訓喺Stephanie張床度，解釋我面臨緊既事：「是咁的，Carmen係咁whatsapp我問我喺邊。Miss call都成30個呀屌，好撚煩。」
「哦。。原來你上黎避風頭既。。」Stephanie有點驚嘆。
Stephanie Roomate唔喺度，無理由會拒絕我。
「我好攰啦，不如而家熜燈訓？」Stephanie用好溫柔既聲音話。
「好阿。」
話說，第一次發生關係係喺天台花園，第二次就喺Cafe肉搏。
所以今次係我同Stephanie第一次訓喺同一張床，係好值得紀念既Moment。
Stephanie訓我旁邊，我將Stephanie放進我既懷抱裡面。
沾在Stephanie身上既沐浴露香氣比起任何香水都更自然吸引。
呢一刻，我地好似一對小情侶。
我地相處既模式多變，有時候會好似朋友咁互串，有時候好似情侶咁依偎，有時候又好似SP既主奴。
我都無法預料未來仲會唔會有其他既相處模式，例如兄妹或者父女，哈哈。
「你拍過幾多次拖？」Stephanie問我。
「BB，我A0嫁。」
「講真果句呢。。」
「你係咪仲好掛住前女友，所以先做Player？」
「果個係你姐，好掛住前男友所以學壞，明明係乖乖女。」
「咩喎。。唔好講到你好瞭解我咁。。」
「咁你係唔係吖？你仲有其他SP咩？」
「。。。」Stephanie無答我。
唔通，佢真係有其他SP？
我有時覺得，自己好唔瞭解Stephanie。
我對佢既瞭解全部都係單方面既幻想，好多野都未經證實。
Stephanie伏喺我心口上，轉換另一個話題：「我聽到你既心跳聲。」
「咁你知唔知我諗緊D咩？」我微笑。
「唔知。。但我知道你個心卜卜卜咁跳，好精靈活潑，應該係一個健康既心臟。」
「我攬住個靚女訓，就黎興奮到暈低。」
我向Stephanie索吻：「幫我做個人工呼吸啦。」
「咁我有咩著數先？」Stephanie問。
「獲得林書生香吻一個。吸唔吸引？」
「你好無聊呀。」Stephanie另轉頭。
「喂。唔準。」我話：「另返轉。」
「快D。」
Stephanie一轉頭，嘴唇頓時感受到熾熱既觸感，來一趟熱吻。
我伸手進入佢既腰間，撫摸佢順滑既腰間。
Stephanie攬住我，撲喺我心口，沒有出聲。
「你鐘唔鐘意我阿。。。」我好似聽到Stephanie蚊子咁細聲講。
我攬住佢，無答佢。
轉眼間，我察覺到Stephanie既呼吸氣伏，佢竟然訓著咗！
都係既，一早起身返咗住日工，仲要OT同我扑埋野直踩到凌晨，我都攰啦，更何況一個唔太捱夜既女仔？
「鐘意阿。」我輕輕錫咗佢一啖。喺佢唔察覺既時候回答佢。
Parsons：【Carmen係咁刮你！你搞咩阿？】
我：【無做過D咩】
Parsons：【Carmen你都食，咁重口味】
我：【就係無食拒絕咗佢先刮我】
Parsons：【你今晚搵條女訓啦，唔好返黎】
我：【洗你教，訓緊啦:p】
Parsons：【屌你啦，我都想攬女訓，日日搞O camp訓都無得訓】
「早抖。」