距離商院O Camp既日子愈近,Parsons就愈忙碌,每日都忙到凌晨先返Hall。

身為莊P同營長既Parsons,返到Hall,仲要繼續改Proposal去過評議會,又不停接到唔同莊員、組爸媽打黎既求救電話。

好多時電話一個接一個,有Ad hoc事情發生,屌起人上黎,一個電話可以講成粒幾兩粒鐘。

「火神A話屋企有白事要甩底黎唔到?邊個識搞火?你打俾火神B求下佢,真係搵唔到就我落場。」

「咩話?有個Freshman話佢報AC Soc既O camp waiting list入咗,撞期要退錢?佢未俾錢?你叫佢唔好俾AC Soc,同佢講,D錢每日都即時入晒學生會銀行,退錢好多手續好麻煩,分分鐘搞成半年!」



「組爸媽鬧大架話要Quit唔玩,幾歲呀屌?聽日就First gathering,我打電話Com com佢。」

「佢語氣係重咗,我幫你罵下佢啦,say個sorry無事啦,聽日開開心心搞埋個first gathering。我地努力咗咁耐都係為咗呢一日,頂住阿!」Parsons轉頭打電話,用溫柔既語氣同組媽講。

「我都知佢講野On9,女人係咁嫁啦,俾面我忍下啦。我同佢傾過嫁啦,佢覺得自己柒唔知點落台,你聽日請佢食下糖哄下人,無事嫁啦!」連組內關係呢D芝麻綠豆小事都要處理。

「你今日無返工,有咩做呀?」我問Parsons。

「今日Reg day忙到癲呀,收生,清場,夜晚開大會分組仔女分到一點,而家諗住改Proposal。」Parsons話:「D電話就係鳩咁打黎,我就黎癲啦!!」 



「點解會係你喺度改緊Camp book?」我問Felix。

「副營囉,唔見人,實係走咗去訓覺或者飲酒。今日收晒Freshman先可以Key佢地個樣去上去,早一個禮拜落訂有Discount。」Parsons話,一路改緊份Proposal。

「多得Felix拍爛檔幫手。」

「有咩需要幫手呀?」我忍唔住問Parsons。

「我俾隻手指你,聽日幫我拎去落單印Camp book,順便買遊戲物資。」



「點解唔上網交埋?」我問。

「file太大,upload唔到。同埋如果檔案有問題,佢可以即時話俾我地知,確認埋幾時送貨。」

「我聽日同你一齊去啦。」Felix話。

「屌,又有電話。」Parsons話:「喂?係呀,而家改緊Proposal。你屈蛇過黎我房傾?」

「我去對面問阿洋借學生證拍你上黎。你等我一陣。」Parsons:「我叫緊我地個財政上黎。」

「我今晚去借床訓覺啦。」我廢時阻住Parsons,讓間房俾佢舒舒服服做正經野。

「Felix,咁我地聽日一點喺Hall出發啦。」我話。

「OK,無問題。」