一個書生既Player故事: 三四四
3P事件後一別就四日。
果日Stephanie喺我Hall瞓醒就返咗落去自己房，仲要一開門撞正Carmen。
之後三日都無同Stephanie聯絡過，又陷入奇怪的尷尬。
我唔知道Stephanie點諗，佢係咪嬲咗我？嚇怕我呢？
Parsons捉咗我去Wade房打機。
Wade無提過果日3P既事，我地就好似平時一樣咁打Fifa，粗口來粗口去。
而喺第3P事件之後既四日，Stephanie終於再次出現喺我地房間。
「入啦！！！屌！！咁都入唔到！！On 9 Parsons！！」「屌！！」「你老味，你估我想架。」
Stephanie坐喺床邊，望住熱鬧地打機既我地，問：「就黎Quit hall啦，你地仲有咩想做又未做架？」
「唉屌Parsons你真係好撚廢。」我話。
「Sor 9呀Step，你岩岩講咩話？」Wade問Stephanie。
「我話，就黎Quit hall啦，你地仲有咩想做又未做架？」Stephanie重覆。
我心諗，玩完3P同SM都仲唔夠，仲想玩D咩？我都就黎無貨。
「下。。都無咩野未做。。」Felix回答。
「平時已經玩得好喪搏盡左我地既Hall life，都無咩野好後悔啦。」Parsons話。
無錯，的確無野好後悔。我地依一年既Hall life，每日都會見面。除咗食女，有成日一齊玩、食宵夜、飲酒；又有幫Hailey同Mandy拍片，喺個酒廊度玩滑板車；又有參加下Hall林林總總既活動，例如Sing Con一齊練舞，Hall O又睇住人地Interview揀組爸媽；一齊返Part time。真係諗到既無聊野都做曬。
自從住咗Hall，我對學校先開始有一種歸屬感。Year 1既大學生活就只有返學放學，Year 2又去咗Exchange，好似到咗Final Year先至係大學生活既開始。
可惜既係，剛剛開始無耐就已經完結。
三年，自由快樂既學生生涯真係太短。
講出來都有種暗暗既悲哀。
「啱呀，quit左hall都仲會keep住聯絡既。只不過少D咁解姐。」書生話。
「希望我地quit左hall都仲可以友誼永固啦！」Stephanie好傻好天真咁講。
「on9。」我地都忍唔住笑佢。
「到時記得黎我同書生既畢業禮呀。」Felix話。
「喂，其實我都係差一科就畢業，我都係同你地一齊Grad。」Wade話。
「係喎，唔記得咗你添。」Felix都趕忙取笑埋Wade一份：「我以為你繼續Defer。」
「食屎啦。」就黎笑死我。
就係Wade叫緊「食屎啦」既時候，Felix禁緊電話，突然成間房既氣場都唔同晒。
房間突然靜咗，我先至留意到Felix既表情突然變到嚴肅。
我唔知佢發生咗咩事。
我望到Felix係我地O Camp既whatsapp group入面開左張圖。
我即刻拎起自己部電話睇下發生咩事。
好突然。
一望，頂！我黎既！
屌你老味！
我同林敏兒喺O Camp OC房果陣俾人影到，仲要係佢騎住咗我最親密既果一下。
肯定係果日見到既組仔影底啦！
仲要傳到上黎去有我同Felix既OC Group入面，咁大整惑。
我既性生活同網絡世界真係密不可分，毫無私穩可言，黎完一單又一單。
Felix深呼吸一下，故作冷靜咁同我講：「我諗都唔洗講Ｄ咩？原來你呢Ｄ就叫兄弟？」
我唔知應該答佢乜野，淨係覺得好無辜，明明拒絕咗林敏兒，都會被人影到食呢隻死貓，真係天意。
可能個天都想我幫Felix飛咗林敏兒呢隻臭雞，先至安排到要俾Felix睇到。
我顧住諗野，無回答Felix講既野。
「你平時食咁多女我唔理你呀，點解要搞著我條女？你到底有冇人性？我對你真係好失望。」
我無搞你條女阿屌，真係好冤枉，然而我要做醜人硬食呢件事。
「Sorry。我無心。」我唯有咁講啦。唔通同你講，林敏兒係我個EX，仲想撩我搞野咩。
「但唔係我撩佢，係你條女撩我。其實如果咁易同第二個男人搞埋你都應該要早Ｄ飛左佢。你信就信，唔信就算啦。我要講既就係咁多啦。」我將我需要俾Felix知道既野講曬。
Felix聽完就走左出房，Stephanie俾個眼色Wade同Parsons，就跑出去跟住Felix安慰佢。
呢個時候有個女仔安慰Felix係好事黎。
如果係我地，只會謂幾句粗口笑佢On 9就唔理佢。
「搞咩阿你？真係食咗Janice？」Felix一走咗，Parsons就好擔心咁問我。
「我發誓無食過，係呢個淫婦撩我。」
「咁你頭先唔解釋？」Parsons問。
「唔通同佢講，你條女係我小學俾帽我帶個EX咩。廢時愈描愈黑。我諗咁樣都夠Felix同Janice分手。」
「下，原來佢係你個EX。媽阿，好淫賤既關係圖。」
「你地都係唔好同Felix講Janice係我個EX。我驚佢會發癲。」我提議：「到佢地分咗手，耐D先同Felix講啦。」
「好啦。」Wade話：「不如今晚叫Felix去Stephanie度瞓。唔想你地見到火星撞地球。」
「實好嫁。」我話。有Stephanie睇住Felix，我就開心得多。
「俾Felix搞到無晒心情。今晚早D瞓啦。」Parsons話。
「啱，有Stephanie睇住Felix，好安全。」Wade話。
於是我地關上燈，一路胡思亂想，一路瞓覺。
唔知道Felix將來會唔會多謝我呢？
Felix應該從此同我絕交，唔會再Friend到。
過多幾個月我再同Felix講，到時佢應該會原諒我掛。
好眼瞓。。。
一朝早起身，我就被Felix出手格離房既聲音嘈聲。
佢已經決定咗要執野搬走，比我想像中更快。
雖然我無食過林敏兒，但俾人影到張相，都有少少過意唔去，帶俾Felix咁大既傷害。
我都無臉目去面對Felix。
所以我都提早咗一個禮拜執野Pack箱。
我地兩個喺走廊撞到，都當對方透明唔講野無打過招呼。
友誼。。。有時候都好脆弱。。。
好似玻璃咁，一大力少少Hi花咗，會有裂痕。
估唔到畢業前喺最後一個星期係咁樣過。
唉，估唔到住Hall既最後一個禮拜係咁樣完結。原本仲諗住大家開開心心劈返場勁既酒局賀一賀佢。
連畢業酒局都無，你話可能咩？