聽從江柏琪既建議,我返屋企搵咗好多資料,第二日喺公司提出用已故名人既名,同埋佢地既金石良言做包裝。

「本我過去在哪裡,自我就應在哪裡」弗洛伊德。

「重要的不是天生擁有什麼,而是如何活用擁有的東西。」阿德勒。

「耐心是一切聰明才智的基礎。」柏拉圖。

當我將上網搵到唔同類型既名言Show出來,老屎忽們對我既提議開始有興趣。



「送禮既特別不在價格本身,而係人想經送禮物帶出既意義。如何男朋友喺平時送禮物俾女朋友,佢可能只係用黎裝飾既一條名牌頸鏈。但如果喺佢辛苦艱難既時候同佢講,『耐心是一切聰明才智的基礎。』,整個感覺係咪好鼓舞?」

「我唔反對你既建議。不過你用咩準則去挑選使用邊一個句子?」老屎忽問我。

「我建議可以搞一個比賽,好似某波鞋品牌咁,投票勝出既幸運兒就可以使用佢既設計。當中包含我地設計師既作品,咁就可以真真切切咁知道民意。」我話:「當然,果個網站要防止同一個IP人地重複刷數據。」

「你呢個意見幾新穎。就試下啦。」唔知道係我既意見剛好打中大佬既心意,定係佢用一個俾年青人嘗試既心態,佢竟然接納咗我既意見。

「Scholar你跟住Senior由頭Run到尾,可以知道一個Project既流程係點,學多啲野。第時就你帶住啲細既Run嫁啦。」老屎忽話。



「知道。」Yoho,飛雲,機會來了。撞到新Project開始就好似睇住個仔出世咁,係一件令人好興奮既事。

我好想可以將自己有份製造出黎既成果,送俾重要既人。

我同自己講,一定要努力做好佢。