一個書生既Player故事: 三五一

今次江柏琪並無因為拖手而疏離我。

我地前所未有地靠近。

無論係心靈上，定係身體上，好像愈來愈接近。

我地兩個持續約會。

我無再次退縮，唔再戰戰兢兢怕嚇親江柏琪，而係堂堂正正好似拖女朋友咁樣，隨時隨地拖住江柏琪。



我唔知道點樣去定義呢個動作。

係出自愛，係一段無正式標籤既試用期，定只係兩個寂莫既人互相取暖？

以前我個心會七上八下喺度估佢點諗，但呢一刻我更相信係前者。

呢種靠近需要兩個人穩定以及自信既心。

到兩人既關係已經瞭解到一定既程度，先會有呢種感覺。



我同江柏琪既關係因為長久以來既認識又更進一步。

我已經唔驚江柏琪會走，因為佢唔會搵到另一個人好似我咁瞭解佢、真心對佢好既男仔。

但係咪一定要以情侶既關係走下去？卻又未必。

我相信順其自然。