我送江柏琪去到屋企樓下。

佢話驚婆婆有需要去醫院,叫我喺樓下等佢,直至另行通知。

當然,喺咁既情況,就算佢無出聲,我都唔會走等佢。

「得啦,我等你。有事果陣Call我上黎幫手。」我話。

「唔係啦,不如你同我一齊上去。陣間我唔夠力抬婆婆走就大獲。」我同江柏琪講。



今次唔洗送到村口門口就走。

穿過入口,走過一式一樣既樓宇。

呼。今日係本人第一次參觀江柏琪屋企既特別情況。

樓梯沿路都係剝落既石矢,感覺不定時就會有陷阱出現擲死我。

「媽!」江柏琪插入鎖匙,逕自開門。



我脫下鞋子跟著江柏琪進門。

佢間屋真係非常之細,係迷你兩房一廳,係擺多少少雜物都會埋咗佢張床既程度。

「有人客?」江柏琪既媽媽同佢有點相似,但相對當然有點歲月走過既痕跡。

「我啱啱同緊書生食飯,佢係我中學同學。聽到婆婆跌親嚇死我,多得佢車我返黎先可以十分鐘夠到屋企。」江柏琪向媽媽介紹我。

江媽媽上下打量咗我一下,話:「請入黎。」