【練膽大法】我每日迫自己搵一位陌生人傾偈《陌樂偈》: 《陌樂偈》第25天－ 很多香港人的輕井澤
《陌樂偈》第25天－ 很多香港人的輕井澤
p.p1 {margin: 0.0px 0.0px 0.0px 0.0px; font: 12.0px Helvetica; color: #e4af09}
span.s1 {text-decoration: underline}https://www.facebook.com/ChatToStranger
在日本旅行的第六天，我們到了輕井澤滑雪
吃午餐時，在餐廳內聽到熟悉的聲音
隔離枱的兩母女好像在用廣東話交談
過了一會，又聽到他們說國語，我聽錯了嗎？
我問女朋友剛剛有沒有聽到廣東話，她也說聽到
由於我們未找到方法去滑雪場，我跟她提議
「不如我過去問下佢哋識唔識去滑雪場？」
表面上是問路，實際上是搵人傾陌樂偈
女朋友當然也猜到我的意圖
那張枱在女朋友眼尾可以看到的位置
她考慮了一下，然後同意了
因為我始終還在餐廳裏，不會無緣無故消失吧
而且她可以用眼尾看到我，同時又不用正視我
所以她可以放心我不會走失，又不用覺得尷尬
啊！我終於找到了－
她視線範圍外和視線範圍內之間的神秘領域
（關於神秘領域，詳情請看第20天）
隔離枱的媽媽去了化妝室（即洗手間）
（順帶一提，日本人把洗手間稱作「化妝室」
日本人真的這麼喜歡化妝嗎？求高人解答）
機會來了～陌生人！
我鼓起勇氣站起來！
然後，繼續站在原地
雖然香港人比日本人容易溝通得多
但我還是循例猶豫了一會
女朋友看見我猶豫的樣子，艱苦地忍著笑
為了逃避她的恥笑，我馬上出擊了
「Hello~小姐你好」
「Hello」
「我頭先聽到你哋講廣東話？ 你哋喺香港嚟？」
「係呀」
「我同女朋友都係，點解好似聽到你哋講國語？」
「因為我屋企有人講國語，所以我哋兩樣都會講」
「哦～你哋會留喺度幾耐？」
「3日2夜」
「我哋都係呀，你哋係咪嚟滑雪？」
「唔係呀，因為我媽咪唔識滑雪」
「咁你哋嚟輕井澤有咩玩？」
「我哋之前嚟過兩次，所以乜嘢都玩過晒
今次專登嚟Shopping」
「係咪去嗰個好大嘅商場？」
「係呀係呀」
「我哋諗住去滑雪，但唔知搭咩車上去滑雪場」
「你試下去xx酒店問下人，個滑雪場係佢哋嘅」
「唔該晒～不過有時同啲日本人溝通唔到
你本身識唔識日文？」
「唔識㗎」
「即係你都係同佢哋指手劃腳咁溝通？」
「哈哈，係呀～ 叫嘢食咪指下個餐牌」
這個時候，她媽媽從化妝室出來了
我跟那位太太說了聲Hello
她剛出來，發現有位陌生人在跟自己女兒傾偈
感到非常錯愕，用奇異的目光看著我
我微笑著對她們說了句「你哋買嘢買得開心啲喇」
她的女兒也微笑著對我說：「你哋都玩得開心啲」
然後，我便回到自己的座位，繼續跟女朋友吃飯
接著，跟一些日本人玩過「超級無敵大電視」後
知道了去滑雪場的方法－就是用自己雙腿走過去
到埗後，我們租了滑雪裝備
立即開始人生第一次滑雪
當然，我們只能在賽道底部的平地上練習
正當我們連鞋也不懂穿時，再一次聽到熟悉的聲音
一對年輕夫婦，正在用廣東話交談
不，應該說「正在用廣東話求救」
「老公！停唔到呀！停唔到呀！點停㗎？」
那位小姐在努力地嘗試剎停自己
她的丈夫則滑了去較前的位置
這時候，我就在那位小姐旁邊
機會又來了～陌生人！
可能大家在做同一種運動，這次我完全沒有猶豫
「哈囉！」我故意用港式英語說
「Hello~」她竟然用「純正」英文回答我
「你哋係咪第一次滑雪？」
她感到十分驚喜：「吓！原來你講廣東話㗎！
係呀我哋第一次咋，所以咪係咁跌囉！
你係咪諗住過嚟教我哋呀？」
「唔係呀～我哋就係唔識，諗住過嚟請教下你哋」
這時候，她的丈夫滑了過來
那位小姐說：「講廣東話㗎！香港人嚟㗎！」
我跟他丈夫打聲招呼
他也跟我打聲招呼，但神情好像有點奇怪
我繼續說：「聽人講呢，你對腳夾埋就會停」
那位小姐說：「我都知呀，但就係做唔到
唔係咁易㗎～葉師父！」
「哈哈，咁你哋小心啲喇～」我說
然後，我便開始跟女朋友努力學習
間中，看見那對夫婦跌倒
間中，又被他們看見我們跌倒
有時候，會互相問一下對方跌得痛不痛
滑雪原來真的很好玩，但比想像中困難呢！
後來，那對夫婦先走了
我跟他們告別後，女朋友告訴我
我跟那位小姐傾偈時，她丈夫的樣子非常介意
哦！原來是吃醋了嗎？
幸好我的女朋友沒有吃醋呢！
應該…沒有吧？
對吧？
哎呀！被打了！
不！突然頭有點痛，就此告一段落吧～
我們都是香港人，就這樣滑了一場陌樂雪
2017-01-23
《實驗環節》
看到這裡的讀者，請不要按其他表情！
請按「讚好」／「Like」
留言說一下「去旅行時聽到廣東話的感受」
謝謝！
p.p1 {margin: 0.0px 0.0px 0.0px 0.0px; font: 12.0px 'PingFang HK'; color: #454545}
p.p2 {margin: 0.0px 0.0px 0.0px 0.0px; font: 12.0px Helvetica; color: #e4af09}
span.s1 {font: 12.0px Helvetica}
span.s2 {text-decoration: underline}想做實驗的讀者請到Facebook，謝謝！https://www.facebook.com/ChatToStranger