【英雄系列3】大學武鬥傳: 3
3.
「歡迎光臨，幾多....係翼仔同軍浪呀，呢班係...」坐響收銀位既薰姐姐問
「你好呀，我地係翼仔同軍浪既朋友，今日岩岩識架咋！」楊能笑到四萬咁口
薰姐姐親切地招待眾人:「原來係咁，隨便坐啦，你地叫我阿薰得啦」
楊能毫不客氣坐低:「我叫楊能，係城大武術學會既會長，今日翼仔同軍浪都加入左武術學會，哈哈」
薰姐姐拍拍軍浪:「咁咪好啦，咁快就識到新朋友！」
阿翼知道，絕對唔可以同薰姐姐講，今日軍浪差d又因為打人要去差館
「呢位就係我細妹小聖，至此佢呢..」
小珠向薰姐姐自我介紹:「你好呀家姐，我叫小珠，係軍浪個小學同學呀」講完仲要對住軍浪微笑
「你好煩，都話左..」軍浪眉頭一皺
「我記得啦！果陣時小珠你同軍浪兩個仲成個糖痴豆咁架嘛」薰姐姐:「咁小珠你讀咩科架？」
「我讀science架！」
「咦咁咪同軍浪同一科？」
「乜軍浪bb都係science架，真係岩既姐..」
軍浪厭惡道:「你縮開得唔得呀...」
小珠嬌嗲地挨響軍浪既膊頭上:「唔制呀！」
「乜你咁講野架軍浪！」薰姐姐亦幫住小珠:「軍浪你小學果陣明明好鐘意小珠架喎，依家你地讀同一間大學咪可以拍拖囉哈哈！」
「嘻嘻，原來個靚女收銀就係軍浪個家姐」楊能笑道
軍浪:「哼..無聊」
小聖奸笑問:「哥哥你唔係鐘意籃球校隊果個nami既咩？」
阿翼接住問:「邊個nami呀？」
「呢個呀！佢好似係讀creative media架」小聖一手搶左阿哥部電話，開出十幾張相
全部都係一個短髮女仔打籃球既英姿
呢個短髮女仔皮膚白嫩，有d冷山美人既感覺
「喂屌你，拎返黎啦小聖！」楊能肉緊地搶回手機
「哥哥你好變態囉！次次有女籃就去偷影nami！」
「咩偷影呀，大把人影啦」
「係喎，不如整返個line group啦，咁樣咪容易d搵到大家」小聖提議
楊能:「丫小聖你真係最多計，好丫咁你搞啦」
響小聖為大家搞line group既同時
「係喎，我頭先幫你地報哂hall架啦」楊能飲住紅豆冰道
眾人均嚇一跳:「吓..你」
「咁我地5個都已經係武術學會既成員啦，一齊住hall咪方便d囉！」楊能繼續講:「頭先宿生會會長搵左我啦，佢話有兩間大房讓比我地，哈哈！」
小聖皺眉:「哥哥！你又威脅果個宿生會會長啦？」
「哈哈，我只不過係偷拍左佢偷食既相，要脅話會比佢女朋友睇，我咪可以呼風換雨囉！」
第二日
五人就正式入住呢座叫賽馬會群萃堂既宿舍
「嗱，咁我、翼仔、軍浪就一間房，小聖你就同小珠一間啦」
「唔制呀！我要同軍浪bb一齊住呀！」小珠對住軍浪撒嬌
軍浪:「你好煩...」
雖然，間房就冇阿翼屋企咁大，但都算係五臟俱全
三張床，有飯枱，有部電視，又有個開放式廚房
「點呀翼仔，算唔錯啦下話？哈哈」楊能笑道
「呃..都ok啦..」
楊能拍拍阿翼:「翼仔，你好似成日都好冇信心咁既？」
阿翼摸摸頭:「可..可能因為以前中學比人蝦過掛」
楊能不惑:「你比人蝦？！唔似喎」
「可能..人地見我個樣成個女仔咁，咪得閒玩下我囉..唉」
楊能:「放心啦，以後有我楊能，咩人都唔會恰鳩你既！因為從來得我恰人既姐，哈哈！」
「慶祝我地新居入伙！！飲杯！！！」
楊能話為左歡迎大家搬入去，所以今晚就搞打邊爐
「阿翼，如果第時功課有野唔識，可唔可以過黎搵你呀？」小聖微笑問
阿翼:「呃..好..好呀..」
「功課邊駛做架！哈哈」楊能笑道
小聖扁起嘴:「哥哥呀，你次次d功課都係要脅d同學比你抄既，點同呀」
楊能食住牛肉:「同學就係要咁用架嘛！」
小珠不斷夾餸比軍浪:「軍浪bb，食魚蛋丫！」
「你可唔可以唔好煩住哂..？」軍浪不耐煩道
「話時話，點解小珠你會鐘意軍浪架？」小聖問
「我同軍浪bb小一已經同班架啦，仲要一齊坐..」小珠臉紅紅道:「果陣佢仲要叫我..老婆仔呀，嘻嘻！」
「嘩！！！咁就係要賀一賀啦！」楊能大聲歡呼
「你up乜呀...咪亂講野啦」軍浪怒視住小珠
小珠挨住軍浪:「嘻嘻，老公仔！」
「你煩唔煩d呀..」
「老公仔！老公仔！快d叫我老婆仔丫！！」
武術學會soc房
「楊能..」阿翼問:「點解未開學都要我地返黎呀？」
楊能食住雪糕:「哈哈，你地做會員既，緊係要幫手打掃下間soc房啦」
「哼！無聊」軍浪繼續坐住
小珠嘻嘻兩聲:「軍浪老公仔，我去買雪糕呀，食唔食呀！」
「唔食..」
「咁我買五個朱古力味丫，老公仔等我呀！嘻嘻」小珠講完就出左去
「軍浪，難得小珠咁關心你，你就接受下人啦」楊能道
「哼..我對佢無興趣」
「砰！！！」
響soc房大門前既，係一個四眼mk，同埋一個貌似黎明既大隻佬
此大隻佬高大非常，眼神更帶點殺氣
mk指住楊能:「老表，就係呢條仆街啦！篤爆我exam出貓果個呀！」
果個大隻佬行近楊能:「就係你，搞到我老表個底花哂啦，下話？」
「嗯係呀，冇錯，有咩問題咁呢？」楊能問
「我就係空手道學會既會長戴施興..今日黎，就係幫我老表搵你呢個仆街算帳！」
「我冇興趣同你打喎，你咁撚廢」楊能打了一個呵欠:「我睇你呀，連我地武術學會d新會員都唔夠抽啦！」
「咩話！！？」戴施興聽到後火起:「好，依家我就要...向你地武術學會下戰書！」
「響半個月之後既大專武術大賽預選，我就要同呢個o靚仔分個勝負！」戴施興指住阿翼
「吓..我...」
「得！緊係得啦！」楊能道:「參賽既陣容我都一早諗好啦，就係我，軍浪，同埋翼仔啦！到時你地空手道學會等收皮啦！」
「咩話！！？」
唔單止我，軍浪、小聖同岩岩返黎既小珠都比呢句嚇倒
「喂，楊能你唔係下話...」
楊能笑道:「你唔好睇翼仔咁細粒，佢係我地武術學會既皇牌黎架！」
「好！半個月之後，就睇下你有咩料到！邊個輸左，邊個個學會就要摺埋！！」
「哈哈！駛撚驚你」
老友記茶餐廳
「哥哥呀，點解你要推阿翼去參加呀，好危險架！」小聖緊張道
「唔駛騰，no problem！」楊能笑道
「咁我點算呀？我乜功夫都唔識，一個月點學得切呀....」阿翼苦惱道:「楊能你今次真係玩死我啦..」
楊能輕鬆地食住雞脾:「唔使騰，no problem！返去我比本如來神掌比你，一個月之後包你打贏果個戴施興啦！」
「咪玩啦，仲如來神掌！」小珠笑道
「哥哥，你教阿翼功夫咪得囉！」小聖提議
楊能:「我天才黎架，d功夫全部睇公仔書學既，點教呀...」
「o靚仔，你地想學功夫咩？！」
呢句話，係前面一枱既果個大叔講既
呢個貌似黎耀祥既金毛大叔，點睇都唔似係武林高手喎...
「阿叔，你有咩好路數呀？」楊能問
「我就緊係有啦...」大叔拎出一張memo紙，響上面寫左d野就遞比我
「去呢度啦，你同個屋主講，係真漢子介紹既，佢就會教你功夫架啦」
「呢個係...」阿翼問
大叔拎起背囊:「你去到就知架啦，我趕住過大海呀，係咁啦！」
「係咪真係有高手架...？」
楊能望住個地址，「唔撚係掛，呢d地方都有高手？」
青山公路汀九段389號星堤岸
第二日既朝早
阿翼坐住巴士去到呢間星堤岸既所在地
呢一間星堤岸既外型，就咁睇同隔黎既果個豪宅「星岸」冇分別
阿翼吸一口氣，按下門鐘
「叮噹！」
冇人應門
「叮噹！」
都係冇人...
「叮噹！」
「叮噹！」
「叮噹！」
「叮噹！」
「叮噹！」
「叮噹！」
「叮噹！」
「屌..邊撚個呀....」
「咔」
打開門既，係一個外表頗為英偉既年輕人
大約二十出頭，留住余文樂式既髮型
「唔..唔該，我想搵呢間屋既屋主」
呢個年輕人捽住眼:「...我咪係囉，乜料呀o靚仔？朝早流流嘈住我訓教」
「吓，你..就係屋主？」阿翼驚訝問
年輕人冷笑:「好出奇呀？搵我咩事呀？」
「我..我想搵你教我功夫..」
年輕人眉頭一皺:「吓..功夫？邊個話我識功夫架？」
「係..係個叫真漢子既人介紹我黎架..」
「哈哈，原來係個死老野...」年輕人笑道:「咁啦，你入黎坐下先啦..係喎你叫咩名呀？」
「容飛翼..」接住阿翼就跟著呢個屋主入去獨立屋
「石！至！磊！！！石至磊磊磊磊磊磊磊磊磊磊磊磊磊磊磊磊！！！！」
一個外表清秀既女仔從往上層既樓梯跑落黎
呢個女仔都係一樣二十出頭,長直髮,皮膚白嫩
佢將一堆割破、寫上「性奴」「冇波」「白虎」等字樣既內衣褲，擺到年輕人既面前
「點解！我d bra同底褲會咁架！！」
年輕人飲住calpus，笑道:「哈哈，玩下姐」
「玩？！邊個同你玩呀！你知唔知好貴架！」
「丫，唔記得同你介紹，我叫石至磊，你叫我石仔得啦，佢就叫曾慧玲，係我隻性奴，哈哈」
「邊....邊個係你性奴呀！變態石至磊！！」