【英雄系列3】大學武鬥傳: 5
5.
「嘟嘟嘟...」
「唔好意思，我聽個電話先」阿翼拎起手機接聽:「喂？」
「翼仔！！我係石仔呀！！！快d黎荃灣金禾機鋪丫！！！今鋪仆街啦！！！」
「咩事呀？」
「唔好理啦！！！快d黎救我呀！！！」
楊能問:「翼仔，乜料呀？」
「果個教我功夫既石仔打黎，話叫我去荃灣金禾救佢...」
楊能笑左一聲:「咁得意？我同你一齊去啦..」
阿翼同楊能到荃灣城市中心四樓既金禾遊戲機中心
「喂，你果個師父響邊架！！」楊能大聲問，因為入面真係好嘈
「唔...唔知呀...」阿翼嘗試打返比石仔，但又冇人聽
「屌！！又輸！！！」
阿翼認得，呢把聲係石仔黎
佢同阿玲兩個...響度打緊街霸4！！
「呵呵...石狗你好似輸左比我五十九鋪啦喎，再輸多鋪就要扮狗爬架啦！」阿玲得意道
「...屌..收皮啦臭西！」
石仔眼尾見到阿翼，就好似遇到救星咁
「翼仔！！你黎就好啦，快d救下師父啦！！我比隻性奴sm緊呀！」
「吓..但係我...好少打街霸喎..」
「唔係掛..」石仔一臉失望:「仲諗住你返打救我tim」
阿珠奸笑住:「石狗，你準備做我既寵物啦，呵呵！」
「車，街霸之嘛，駛乜驚呀」楊能馬上坐下:「你就係翼仔個師父條女呀？一陣輸左唔好喊喎，哈哈！」
石仔:「小心d呀，呢條臭西痴撚線架..」
楊能揀左春麗，而阿玲就揀左Ryu
「fight！」
一開波，Ryu就用幾下連技將春麗打到半空
春麗根本連招都出唔到
「喂，阿姐比下面好喎！」楊能開始知道大獲
「直直bird極！」Ryu再接一招龍卷旋風腿，將春麗打落地
「喂屌！點打呀！」楊能不停大叫
而阿玲就只係專心望住熒幕
春麗一起身
楊能馬上chok住各個掣:「你大獲啦！！超必殺技！！千裂腳！！！」
春麗馬上使出超必殺技，朝住Ryu衝過去
但阿玲毫不擔心，只係連續輸入後掣兩次
Ryu立即加速後退，位置岩岩好就響春麗出第一腳既位置之後！
剛好避過春麗既超必殺技
「唔撚係掛！！！！」楊能同石仔都唔相信自己睇到既野
而春麗響出完超必殺技之後，就會有一個極大既空隙！
Ryu就乘住呢個機會，使出超必殺技！！
「真空波動拳！！！！！！」
K.O！
春麗隨即倒地
唔係掛，阿玲打街霸咁勁！？
「屌，炒per...有冇咁撚勁呀..」楊能不停自言自語:「唔駛怕架..係技術性讓round姐！唔駛怕架..唔駛怕架..」
之後既第二round
「fight！」
春麗明顯打得保守些少，不斷退後
一邊不停以輕拳偷雞
但Ryu卻無視春麗既保守打法，直接用投技解決
「屌..大獲！」楊能眼見自己既策略被破後，大驚
Ryu再以特殊技將春麗打到硬直，再收一記昇龍拳打上天
「呵U ken！！！」
接住再以一堆連續技，再以波動拳將春麗擊倒！
K.O！
楊能攤響凳上
「痴撚線架..點打呀...」
阿玲得意洋洋道
「呼，你都算唔差既..不過同我比就差太遠啦！」
阿翼問石仔:「其實...打街霸關我學功夫咩事呀？」
「你太睇少街霸呢隻game啦，其實佢係非常講求反應同手眼協調架」
石仔言之有物地道:「當你練到強大既反射神經之後，同人隻抽果陣就自然容易d反擊啦」
楊能指住阿玲，問「但係，你頭先輸左比佢喎」
石仔飲左一啖Calpus飲料:「哈，唔通，你睇唔出我係讓緊條臭西咩！唔咁樣，點引翼仔過黎呀」
「你..死石狗！！」阿玲聽到後大怒:「石狗你夠膽打多場丫！一round決勝負！」
「好..駛驚你？」石仔坐上凳上:「我輸多場就比你當狗玩一星期，你輸既話...就要日日響屋企著護士裝，嘿嘿嘿」
阿玲嬲得臉紅「死變態佬！！不過我一定贏你架囉！」
「fight！」
石仔操縱既Guile一開始就防守，唔主動出擊
「縮頭龜石狗！」阿玲開始失去冷靜，不斷猛攻
Guile睇準時機，黎一招sonic boom
「阿力cool！！」
再突前黎招三連拳，將Ryu既血扣至3分2
「可惡！！」
Guile跳到半空，以45度踢中Ryu
「點解..咁都判定架？？」阿玲大感不惑\
響跳到Ryu後面之後，Guile就以連續輕拳，中開駁兩招sonic boom
「你去死啦石狗！！！」
Ryu睇準時機，使出超必殺技「真空波動拳」
「性奴，你同我差太遠啦！！」
Guile竟然以同一速度，使出Somersault Kick，跳到半空避過真空波動拳
「咩..咩話？！」
石仔:「你玩完啦！！！」
Guile一落地就使出Double Somersault Kick
將Ryu KO！！
「竟..竟然輸左比你..」阿玲怒視住石仔
石仔lam住脷:「咁今晚...你就要開始著住護士裝啦..諗起都覺得正呀」
「死變態佬！！」阿玲衝埋黎阿翼度:「翼仔呀~~你要幫我報仇呀！！」
「吓..但係我..」
「我教你丫！一於打殘隻死石狗！！」
阿玲挨到阿翼耳邊:「最多你贏到石狗既話，我獎你丫..」
「丫，你隻死性奴丫，教翼仔黎欺師滅祖？你當我呢個主人冇到呀？！」石仔不滿道
「哼！」阿玲將阿翼推到街機前:「翼仔，唔好理佢姐！」
而佢就響阿翼後面擺動佢既雙手教導
之後，阿玲就用左成個下晝教阿翼點用Ryu呢一個角色
依家既阿翼已經將Ryu既連技、超必殺技、攻擊判定、常用打法記得滾瓜爛熟
而阿翼睇野，亦都越黎越慢...
d反應好似前所未有咁快