【英雄系列3】大學武鬥傳: 13

13.


宿舍內

「丫...查實小聖你明明鐘意阿翼，點解你都唔向佢表白喎」小珠吃住雪糕問


一提起阿翼，小聖就變得扭捏



「咁...咁...我係女仔黎嘛...」


「呢個世代仲邊有分呢d架？你鐘意就要自己爭取架啦！」

小珠奸笑道:「我就覺得呢，阿翼都係對你有d意思既，你快d主動出擊呀，阿翼咁靚仔實好多人爭架！」



「....嗯...」







星期三，課室中

「阿翼呀.....」

聽書聽到睡眼惺忪既阿翼問:「嗯？做咩呀小聖？」





「無呀...其實...阿翼你覺得我..點呀？」



「我覺得...小聖你好靚女....好溫柔...又好人」阿翼亦口質質:「做...做乜咁問呀..」




「無...無野！突然想知..姐..」

小聖一臉通紅:「哎呀....楊聖...你比d勇氣自己啦！」





「阿翼！我....我.....」





「砰！！！」




課室既大門比一人推開



呢個人正正就係美瑠！



「喂，呢個咪係前幾日大專武術大賽果個太子女？！」
眾人不停討論



「hi阿翼，呢個位有冇人坐架？」美瑠走到阿翼旁邊

「吓...無..無呀...」

生性單純既阿翼無注意到，小聖已經怒睥緊美瑠





「阿翼，你上次比賽好犀利呀，對方仲要係空手道學會既會長黎架」

美瑠捉住阿翼既手:「原來你唔單止靚仔，仲咁好打架喎」


「呃...係..咩」



「不過...我阿哥都係C組架...可能最後都會同你打架...」美瑠摸摸耳珠

「你...阿哥？」




「嗯！佢叫王天祐，尋日都成功晉級丫！」美瑠笑道:「嘻嘻，唔知道阿翼定係阿哥犀利d呢？」



「哼！阿翼唔會輸架！！」小聖怒道:「你成日咁樣接近阿翼，到底咩居心呀？」

「咩居心呀？唔好咁難聽喎..」美瑠假扮無辜:「阿翼，你朋友好惡呀~~」



「你...你個死姣婆...！！！！」






下課後


「嘻嘻，咁我行先啦阿翼，聽日果堂再見啦！bye」

美瑠對住阿翼飛吻:「下次比賽加油呀！」



眼見美瑠終於離去

「阿翼！點解你頭先要比呢個女人坐隔黎呀！？」小聖扁嘴問

「呃....咁..個位真係冇人坐嘛...」


「你唔係...鐘意呢個女人掛？」



「點....點會呀...」阿翼連忙搖手:「我同美瑠見過幾次面之嘛...頂多都只係...朋友姐...」

「小聖，點解你係咁問我點睇美瑠既...」


「冇...冇呀！」

小聖心裡鬆一口氣:「原來阿翼對果個美瑠冇意思既...睇黎係我太多心啦...」


「阿翼我...」





「喂翼仔小聖！！出發啦！！！」

楊能突然從後出現:「夠鐘睇nami比賽啦，一齊去啦！」


「下...但我..」

楊能已拉住兩人走:「你地當陪我啦，三點開波啦，快d啦！！」



「死人哥哥！你陪住我同翼仔呀...」






港大籃球場

現場已經坐滿觀眾，當中不乏各方既支持者



「哈哈，好彩仲有位姐！」楊能笑道:「翼仔，一陣幫我影多d靚相呀，唔該哂！」

「哦....」





不消一會，兩隊既人慢慢出黎

身穿8號球衣既nami亦在其中



「hku！！啪啪啪！！」

「城大！！啪啪啪！！」


「等我叫大聲d先！」楊能站起身:「nami！！！！！！！！！！！！！！！！！！！！！！！！！！nami！！！！！！！！！！！！！！！！加油呀！！！！！！！！！！」


nami見到楊能，亦都微笑揮手




雙方球員準備就緒，比賽正式開始


「nami！！上呀！！」

「nami過佢呀！！！」

今日nami精神面貌不錯，頻頻單打得分

但對手既各個位置點點開花，雙手一直交換領先位置



黎到最後5秒

HKU以49比48領先

發球權於城大



「nami！nami！nami！nami！」


nami響牛角位接過隊友傳出既界外球

馬上引來兩人包夾


聰明既nami馬上將球交到低位既隊友，再馬上擺脫防守，跑到底線接球

接球後馬上跳投


「入呀nami！！！！！」楊能失控地大叫



可惜

皮球響籃框邊轉了幾圈後，卻飛出框外




「嗶！！！！！！！」

球證哨聲一響，比賽結束

nami帶領既城大以1分落敗



HKU既主場球迷不停歡呼

而射失絕殺既nami攤響地上，無奈地嘆氣



「屌...唔係掛...」

楊能搖搖頭


「哥哥，你快d去安慰nami啦！」小聖道


楊能心想:「呢..個時候，好似應該比佢冷靜下喎...」




一名HKU既球員跑到楊能旁邊既兩人前

佢就係今場同nami多次對位既球員



「素素，你頭先好叻呀！」一個廿多歲既少女遞上毛巾同水比呢位叫素素既球員

「唔該阿咲！好彩今場贏到咋...」素素含情默默望住隔黎既skinhead男:「點解..光晨先生都會黎既？」


「嘻嘻，頭先我話你今日有比賽，光晨即刻仆出黎呀！」阿咲笑道

「你個死o靚妹打比賽我得鬼閒睇！」光晨不屑道:「我黎係想睇下有冇靚女姐，對面城大著8號果條女幾撚正喎，對腳又白淨，腳交啱哂呀！」


「喂呀光晨，你唔好響素素面前...」




「你講乜撚野呀！」怒火中燒既楊能指住呢個光晨大叫:「乜撚野腳交呀？你谷精上腦呀？！」


「你都on9！我講乜關你撚事呀」

光晨馬上起身:「家陣共產黨呀？我講野駛你批准？」


阿咲拉住光晨:「光晨你冷靜d先啦！」


「我依家好冷靜呀！」光晨怒道:「你咁撚串，係咪想打過呀？！」

「打咪打囉，打到你入廠呀我！」



「楊能！！」

nami及時趕到，拉住楊能:「你..停手丫！」


「nami...依家呢條友侮辱你呀，我唔打鑊佢...」

「其實，你唔駛為我去到咁丫..你..只係我朋友黎咋...」




「朋...朋友？！」


此時，一名外表俊朗既高大男士走埋黎:「nami..做咩事呀？！」


「無事呀...」nami向楊能指住呢位男士道:「楊能，同你介紹丫，佢...係男子籃球隊既隊長billy」


「你好」

billy懷住敵意既眼神，伸出右手


「你好...我係武術學會會長楊能」


響兩人握手既一刻，楊能已經感受到

「呢個billy，同我一樣睇中nami...可惡！」