【英雄系列3】大學武鬥傳: 16
16.
「而家開始B組四強既賽事啦，第一場係鄧明威對馬志聰....」
「唉...」
「唉...」
「唉...」
「哥哥你唔好響度唉黎唉去啦...」小聖微笑道
「nami唔黎睇我比賽...我唔想做人啦！」
楊能擺生無可戀既表情，似乎nami不在對佢太大影響
「hi楊能！你...未比賽呀？」
楊能等候良久既nami終於黎到
「你黎啦！na....mi..」
響nami身後既，就係情敵billy！
「hello！原來你都有參加呢個比賽既...」billy一臉高傲:「不過...唔知道過唔過到下一關呢？呵呵」
終於輪到楊能比賽
「B組四強另一場賽事，係由楊能對方子傑」
「嘿，到我出場啦！」
nami笑住為楊能打氣:「楊能加油呀，打埋呢場就入決賽架啦！」
「嗯！」
「兩位選手準備好未？」裁判遵例問
準備比賽之際，楊能抬頭望上看台
billy同nami竟然密密傾計，有講有笑
「仆你個街！襯我唔響度親近nami！！！！！」
呢一刻，楊能既怒火已經遍佈全身！
「3、2、1..fight！」
被怒火控制既楊能，一早已經握緊拳頭！
「我打撚死你呀死狗公！！！！」
楊能將眼前既對手當成billy，雙拳拉弓，轟向對手！！
「真超越超級天元暴走疾風旋渦突破！！！！！！」
「轟！！！！！」
被楊能雙拳擊中既方子傑，竟直飛出擂台
呢一擊，令全場既人都靜止
「方子傑脫離擂台...楊..楊能勝！B組既決賽將會由楊能對鄧明威」
「知道我既厲害未呀....死狗公billy...」
離開擂台時，楊能既手依然握緊！
「楊能....原來你咁犀利架..一招就KO人」nami擺出一副崇拜既表情
「嗯..我一出真功夫，就冇人夠我打啦...」
nami追問:「你平時係點訓練架？」
「哈哈，都冇乜訓練既...得閒做下體能咁囉！」
楊能眼望一望billy，佢似乎已經比楊能嚇到臉青青
「嘿，驚呀...冇膽就咪同我爭nami啦！」
「係...係喎，翼仔呢？就到佢比賽啦喎..」楊能問
「翼仔佢頭先話去洗手間喎...」小聖望望手錶:「不過...都可以去左好耐啦...」
「唔係...比我估中下話...」
楊能笑道:「哈哈...我又去廁所先！」
「嘎...嘎...嘎....」
滿頭大汗既阿翼躲響廁格內
就好似，中學時期被林業聰欺負時一樣
「砰！！！」
廁格既門被楊能一腳踢開
「翼仔...原來你真係響度.....」
楊能好似知道發生咩事咁:「就比賽架啦，快d返去啦」
「楊能....我..唔想去......」
阿翼低住頭:「由頭到尾，我都唔想學咩功夫，唔想參加呢d比賽.......你唔好逼我啦」
「哦...咁你就諗住一世都唔面對蝦你果個林業聰呀？」
阿翼一語不發
「唔好講笑啦！你係咪傻左呀？！」楊能激動得拉起阿翼
「以你而家既實力，要打贏佢根本唔係難事！你怕乜呀？！」
「今次明明係一個比你報仇既好機會，唔通你諗住一世都比佢食住咩！」
「阿翼！今次既比賽，係關乎你成個人生架...你唔係為我地而打架..係為左自己」
楊能講到呢度，阿翼雙眼已經通紅
「我...唔得架啦....我依家成個腦都係果陣...比佢蝦既畫面」
「屌！！唔逼你都係唔得！！」
楊能一手拉住阿翼既t恤，拖住佢出洗手間
「接住落黎就係C組第2組既賽事，容飛翼對林業聰」會場已經傳出美瑠既聲音
「楊能...你做咩呀...」阿翼不停掙紮
「拉你出去比賽！」楊能一臉強硬:「你呢d細路，唔咁對你既話，你唔會成長架啦！」
「我..唔得架啦.......」
「邊有得唔得！我地成班人都撐你，你怕乜呀！！」
「點解...阿翼咁耐都未出黎既...」小聖雙手緊握，非常擔心:「如果2分鐘唔見佢，就會取消資格架啦...」
「唔通，係因為呢個對手中學時期蝦過佢....搞到佢唔想比賽」阿玲道
「阿翼佢...比呢個林業聰蝦過？！」
小聖低住頭:「點解...阿翼唔同我講既...」
「撻！」
楊能及時將阿翼拉到比賽會場
「阿...阿翼！！！！」小聖等人大叫
「呼.....啱啱好..」
楊能跟阿翼頭碰頭:「翼仔你要記住呀...呢一個關口，最終都係要靠你衝破架咋！加油！」
「.....嗯」阿翼垂頭喪氣地點頭
「睇黎.......點都係要打架啦....」
阿翼戰戰兢兢，行上擂台
「咦，原來真係你呀？女人型容飛翼？！」眼前既金毛mk，正是林業聰
「哈哈....估唔到你都有參加呢d比賽，仲要過埋第一輪添！」
「收皮啦你，一陣翼仔打到你仆街呀！」楊能大叫
「喂！唔該你返上去觀眾席！」三個保安將楊能拉住
「屌你！我係B組果個楊能呀，點解唔可以響度呀...」
楊能用盡氣力大叫:「翼仔！！！你得架！！！！！！」
「我....真係得？」
「兩位選手...準備好未？」
「三、二、一...fight！」
比賽正式開始
但阿翼，依然站於原地
「都唔知你做乜！成碌木咁！」
林業聰一記右拳，轟向阿翼