【英雄系列3】大學武鬥傳: 19
19.
周二
大埔既某個山谷中
「皇極驚世拳第一式，破天！！！！」
軍浪使出看家絕技，轟向眼前既薰姐姐
「哼..」
薰姐姐只用兩步就避過此招
「！！！好快...」
「軍浪，你既拳太慢啦，如果遇著步速快既對手，你既皇極驚世拳根本唔會打中得中佢」
「你連第一式都未用好既話，第三式更加唔駛諗」
「砰！」
異常認真既薰姐姐一掌就將軍浪打落地
「軍浪bb！」小珠見軍浪被打，非常肉緊
「唔好過黎...」軍浪慢慢起身:「我...一定要贏...」
「軍浪，你最大既缺點，就係你既氣唔夠集中...」薰姐姐道:「如果你可以將氣集中響拳頭一點，你既皇極驚世拳就一定會更強更快」
「....嗯...」
聽完薰姐姐既指導，軍浪就開始訓練自己既集中力
「小珠..你好似好擔心咁喎...」薰姐姐坐響小珠旁邊問
「我好擔心...軍浪bb呀...」小珠扁起嘴:「我唔想軍浪bb佢..為左贏比賽...而搞到咁辛苦呀...」
薰姐姐拍拍小珠
「軍浪有你呢個女朋友，真係好啦...」
「放心啦，我知道軍浪佢...一定識得照顧住自己既...你都要對軍浪有信心呀！」
「....嗯！」
薰姐姐偷笑住，心想:「呵呵，軍浪有小珠睇住，我就放心啦」
「喝！！！！」
「砰！！！」
經過一個早上既多番嘗試，軍浪終於懂得將氣集中於拳頭上，打出一記強勁三倍既拳！
「睇黎...你已經知道點樣用氣啦..」薰姐姐接住道:「之後..我就會正式教你...第三式」
軍浪認真聽住薰姐姐既指導
「第三式，叫『天地合一』...顧名思義，係將第一式『破天』既右拳同第二式『滅地』既左拳合成一招」
「我示範一次比你睇丫」
薰姐姐吸一口氣，左右兩手同時握緊，將氣集中
「皇極驚世拳，天地合一！！」
薰姐姐用盡全身既力，將儲滿氣既雙手合上
氣既威力甚至令地下出現裂縫！
整個山谷都被薰姐姐既氣震懾住
「將兩隻同時充滿氣既拳頭...合一？！」
「喝！！！！！」
薰姐姐大喝一聲，兩手既氣合一，轟往峭壁上！
「轟轟轟轟轟轟轟轟轟轟轟轟轟轟轟轟轟轟轟轟轟轟轟轟轟轟」
第三式強大非常，將堅硬無比既峭壁打至粉碎
「頭先...兩隻手既氣...」
薰姐姐道:「無錯....第三式就係將雙手既氣合埋，再打出去既招式....哈哈係咪好似龜波氣功呢？」
「第一步，你要試下將自己充滿氣既兩隻手合埋先」
「嗯...我試下」
軍浪閉起眼運氣，再將氣流到兩手手心中
「喝！！！！」
軍浪用力將雙手合上
「！！！！」
但雙手尚未合上，兩邊既氣就已經互相排斥，將軍浪整個人震飛！！
「軍浪bb！！！」小珠眼見軍浪受傷，非常肉緊
「我冇事...」軍浪一面迷惑:「點解...兩隻手合唔埋...」
「你依家明白第三式有幾難啦？」
薰姐姐講解:「兩隻手既氣係會互相抵抗，如果你既身體唔夠強勁既話，你係唔會合得埋雙手」
「我當年都用左一個月時間，先可以合得埋雙手....」
「一...一個月...？！」小珠驚訝:「但係，得返12日咋喎..」
「唔緊要.....」
軍浪心中堅定:「我...一定會練到...」
「咁...加油啦軍浪」薰姐姐笑道:「咁你依家明白我點解帶左成兩箱杯麵同水過黎啦，哈哈」
「呢12日，你就要響度長期作戰啦！」
=================================================
「你所打既電話未能接通....」
「嗚嗚嗚嗚......nami呀.....」
躲響被窩中既楊能泣不成聲
「我以後都唔想再見到你」
「我以後都唔想再見到你」
「我以後都唔想再見到你」
「我以後都唔想再見到你」
「我以後都唔想再見到你」
nami既呢一句，完全將楊能既心傷透
「哥哥...唔好咁啦」小聖嘗試安慰:「我諗...nami都係一時意氣姐...」
「冇架啦...」楊能已經完全絕望:「nami佢...唔會再搵我架啦」
「呢一切都係我自己攞黎...係我衰，要脅人...」
「我真係一個大仆街呀！！！」
==================================
「爆裂神掌...？唔係G高達既咩？」
「屌！G高達果招叫爆熱神掌呀！」
石仔道:「呢一招...可以令你有返5%贏既機會」
「咁先得5%！」阿玲不屑道:「我就唔覺果個王天祐有幾勁啦，依家我家翼仔咁犀利，分分鐘打得贏啦！」
「你唔識就咪鳩UP啦屌！」
「咁...我應該點練呀..」
石仔拎出一個裝滿白米既鐵鑊
「我要你...將右手插落d米度...當你可以用氣將米煮熟，就代表你練成『爆裂神掌』」
「咩..咩料呀？」阿玲笑左一聲:「邊有可能用手煮飯呀？咁既話世界上無人用電飯煲啦！」
阿翼亦擺出一副半信半疑既表情
「屌...咁我試一次囉！」
石仔將右手塞入米中，開始運氣
「喝！！！爆裂神掌！！！！！」
一團火光從米堆中亮起，就好似王天祐既火拳一樣！！！
全屋亦馬上充斥住飯香味
「咁...你依家信未丫？」
「其實同你果招終極黃金斬一樣，只不過爆裂神掌係將氣轉換成熱力，從掌中發出黎姐」
「翼仔，你練得成終極黃金斬，我相信你一定都可以成功既」
「.....嗯！」
此時既阿翼，比起剛剛入大學時，更有自信
「喝.....」
阿翼利用丹田運氣，聚氣於右手
但，白米依然毫無異樣
「呢一招，的確係要靠自己摸索架」
石仔飲住乳酸菌:「呢十二日，就響度好好咁練啦」
「嗯！我會煮野食比你架啦翼仔~」
阿玲興奮無比:「嗚呀！可以日日見到我家翼仔啦~~~~~」