【英雄系列3】大學武鬥傳: 24

24.

「嗚嗚嗚！！！！！」

睇到阿翼精彩既「表演」後，眾人不停歡呼


「嘩！！！！四十多碼！！！！！容飛翼竟然響通道口飛過黎，啱啱好趕得切」桂神大叫





「阿翼！！！！」小聖一見到阿翼就非常興奮:「終於...都黎啦！！！」





「嘿，全靠我大大力掉佢出去姐！」

石仔摸摸鼻子，出現響小聖等人面前




「嘩...乜你地搞到咁遲先到架！」楊能笑道


「無計啦，我架車死左火呀..」

石仔坐低，自信道:「即管睇下，我呢個徒弟仔去到咩程度啦！」








「嘎...嘎...真係比石仔玩死啦....」

阿翼慢慢站起


響佢面前既，正正就係決賽既對手王天祐

「容飛翼，好彩你及時黎到姐...我真係唔想咁輕鬆就自動晉級」

言談間，一股強勁既氣從王天祐身上散發出





「....嗯...」阿翼摸摸頭:「雖然我唔係好想同你打..但係...」

「今次...為左大家...我一定要贏」



「...佢...既氣比之前更加強...仲傳黎一股熱力...」




「兩位選手準備好未？三..」



兩人仍未擺下架式



「二...」

鐘仔摸不著頭腦:「兩位選手仲未準備好咁既？peter你點睇？」



「一....fight！！！」







王天祐同阿翼對望，亦未有任何行動


「佢地...做乜唔郁既？」nami問


「佢地響度估緊對方既實力」楊能為剛追到手既nami解釋:「因為大家都唔知對方既實力去到邊，唯有敵不動我不動」





「之前佢都已經表現出一種極快既反擊步法，如果一唔小心，就會比佢一擊必殺....」




「石仔話過佢既關節好靈活，隨時可以擋到從後面攻擊既終極黃金斬」


「如果我先埋身，咁樣就可以逼到佢出唔到果一招『阿修羅閃空』」


「我用『萬千星輝黃金斬』同佢鬥快，睇下結果係點...」


雙方不停計劃攻擊策略





「既然佢可以用『阿修羅閃空』閃到我後面，咁我就唔可以比機會佢助跑..」

王天祐先出手，炮彈式衝向阿翼:「敵欲動，我先動！」




王天祐一記手刀，斬往阿翼


阿翼雙臂交叉，擋下此攻擊

「佢既氣...好強！」



「佢雙臂有氣護住，睇黎唔易打爆...」

王天祐收起手刀，轉攻下盤，以近身腳踢進攻


「嘩，估唔到佢下盤都好快...」

阿翼擺動用阿修羅閃空練成既靈活腳腕，剛好避過腿擊



「就等我睇下...我同你邊個快d啦....無想轉生！！」



王天祐全身放鬆，只用丹田之氣驅動身軀



「咩...咩話...！！」阿翼驚慌失措:「無想轉生竟然可以...」

「無錯...呢招唔單止可以用黎迴避攻擊，仲可以作進攻之用」



「嘩！擂台上鬼影重重，兩位選手不停又出現又消失咁，係咪我地眼花呢？peter你點睇？」

「我諗呢...佢地都係...高速移動緊...睇下對方有冇破綻」



「砰！砰！砰！」

王天祐以無想轉生追擊阿翼，逼使阿翼節節退後


「終於...逼到你埋邊啦！！」

王天祐集中氣力，擊向阿翼



「點...點可以就咁輸！阿修羅閃空！」

阿翼踩住保護繩，橫向轉身避過重拳


「直直bird極！」

利用迴旋所產生既力量，阿翼以街霸中既龍卷旋風腿反擊！踢中王天祐既左臉！




「嘩！！！容飛翼一招飛腿，終於擊中王天祐呀！peter你點睇？」



「咳.....嘿嘿」王天祐摸摸嘴中既血:「你..真係唔簡單...」

阿翼沒有理會，只係想專心作戰


「咁樣...我就加快一下速度啦」




「！！！」

王天祐從阿翼眼前消失，出現響阿翼既右面


「你，追到我嗎？」


「好快....終極黃金斬！」

阿翼運氣使出終極黃金斬，卻劈了個空！



「你係我遇過既對手之中最快既一個，但係..」

王天祐再出現於阿翼背後





「終極黃金斬！」

「你響我眼中..都係太慢！」


響阿翼出招之前，王天祐已經用直拳擊中阿翼！


「呀....！！」

阿翼被打飛數米


「仲未完架..」

王天祐竟然響阿翼身後現身


王天祐捉起阿翼右手，使出背負投！




「砰！」



「嘩！王天祐一招過背摔，將容飛翼撻到灘灘腰！peter你點睇？」





「嘩....好痛...」阿翼慢慢起身


「嘿，好有鬥志喎...」

王天祐再次放鬆手腳，使出無想轉生



霎時間，擂台上出現十多個王天祐


「嘩...影分身咁喎...火影忍者咩！」楊能道

「無想轉生既最高境界，就係快到好似有分身一樣..」石仔解釋



「咁..咁多個佢既...！」

阿翼一聲分唔清邊個先係王天祐既真身


「如果我，同一時間攻擊你既話，你會分得清嗎？」

分身全都衝往阿翼進攻



「可惡...究竟邊個先係真身呢....」

阿翼靈光一閃:「影...影先係唔會呃人！」



「死！！！」

十多個分身同時使出重拳



「出招既一刻，影..一定唔會變！」

阿翼以超強既反應，搵到真正既王天祐


「就係呢度！！終極黃金斬！！！！！！」



「砰！！！！」

兩人同時格住對方既殺招

衝擊力打到山頂朋友都感受到



王天祐同阿翼同時退後

「嘿...果然犀利，只係第一次就破解到....」




王天祐運氣，雙手開始出現火焰

「咁樣....我地就用必殺技黎決一勝負啦..」



「佢要出邪王煉獄拳啦...咁我都....」

阿翼右手爆發出不下於王天祐既烈焰



「我就要用爆裂神掌....打低你！！！」