時空之門: 有故事的女人

溫存過後，Amy 就小鳥依人咁訓左係我心口不斷講佢既往事，女人就係咁，唔知點解真係好鍾意係扑野後傾計，大佬，一滴精十滴血呀，你地姨媽到時都會虛會攰啦，點解你地會expect 我地射完後仲可以好精神咁傾計呢? 我當時既狀態根本上係迷迷糊糊，只係隱隱約約咁聽到佢同我講佢既往事....
 
Amy: 點解果時我要咁傻，所有人都同我講佢係呃我，但我偏偏就唔信，仲一度係度妄想佢會返黎搵我，同我重新開始生活。
 
我: (迷迷糊糊咁) 感情既野，當局者迷，而家醒左咪得囉。
 
Amy: Sam哥，你可唔可以帶我返去，我想點醒我自己呀..
 
我: 傻囡，過左去就由得佢過去。今日後，將會係你既新開始，同埋就算俾你返左去，之後既發展會係點，根本就冇人會知，倒不如而家好好咁活在當下仲好啦?
 


(我雖然發明左時空之門，但我始終都覺得改變歷史唔係一件好事，人始終都係要活在當下，珍惜眼前人先得)
 
Amy: 我點樣可以活在當下，我地係夜場出身既，根本就唔會搵到真正既幸福，Sam哥，我求下你幫我，我只係想幫自己搵到幸福。
 
我: 嗯....呢個發明都係剛完成，好多唔確定既因素，所以我唔可以帶你返去，我唯一可以應承你既就係我返去一次，阻止你識佢，睇下可以幫到你幾多。你將你同佢相識既經過有咁詳細得咁詳細咁同我講啦
 
Amy: 多謝你Sam哥。我記得我當年剛高考完，成班同學一齊去左大梅沙度玩
 
我: 高考...即係邊年? 同埋邊日?
 


Amy: 嗯...6年前....果日係我好姐妹既生日...8月13日。我地下晏就去到大梅沙玩，本身諗住去玩下水晚飯前就返去。但係有個fd玩水時唔小心俾沙灘上既玻璃界親行唔到，所以我地就決定係大海沙度stay一晚，第二日先返去。我個姐妹就負責照顧佢，而我就落去買野食...我就係係買野食時第一次見到佢同識左佢...
 
我: 咁係邊間酒店，大概幾點到呢? 你又點識佢?
 
Amy: Sorry，酒店名我真係唔記得，夜晚，我諗應該係8點左右。我落到去，買梗野時突然唔記得仲要幫我個fd買D乜，但又偏偏唔記得帶電話，就係條街度就咁問人借電話，就係佢借電話俾我。
 
(雖然乜柒資料都冇，但我仍然決定返去，因為我心裡面有其他既盤算)
 
我: 我即管盡人事啦
 


 
日期: 2010年8月13日
時間: 15:00
地點: 深圳大梅沙
 
老老實實，今次始終係我第一次穿越咁多年，所以自己心入面都仲係有少少唔踏實，擔心時空之門只可以於短時間內穿梭。但當我眼前既景象由頭先既酒店套房，變左做人頭湧湧既沙灘，再見到沙灘大鐘既日期同時間，我知道我個發明係完美地成功。
 
我: (自言自語) 屌，咁撚多人，係邊度搵佢呀....
 
正當我係度暗屌緊，諗住唔Q理Amy返番自己時空繼續做自己既野時，我眼前出現左 3 個靚女，其中一個就係後生既Amy。果一刻，我即刻係度諗，我點樣做先可以一箭三鵰。(待續)