時空之門: Happy Birthday!
日期: 2010年8月13日
時間: 15:29
地點: 深圳大梅沙
Amy 個朋友同上次一樣都係受左傷，而我亦同上次咁好溫柔同細心咁幫佢洗傷口，之後再去買消毒藥水俾佢，唯一唔同既係，今次我冇咁傻豬豬問酒店借架輪椅。
我: 傷口基本上洗好嫁啦，你今晚夜少少沖完涼時再用消毒藥水洗多次啦，好快就無事嫁啦。
Amy’s FD: 唔該晒你呀
我: 唔好客氣，舉手之勞者。你一陣行時記得自己小心D，唔好用力整到佢呀。
我同佢地講完後就轉身行開，當然我只係留係附近睇住佢地，望住Amy同佢個FD想扶佢又輪輪盡盡唔多夠力咁，搞到佢又跌左係地，我知道機會再次出現。
我: 你地OK嗎? 洗唔洗幫手?
Amy’s FD: 你仲未走呀? 你係度就太好啦，佢地想扶我走但又唔夠力...
我: 你如果唔介意既，我「咩」你出去呀。
Amy’s FD: (怕怕醜面紅紅咁) 咁...麻煩你可唔可以送我去果邊間酒店呀?
(咦，歷史既巨輪好似仍然繼續緊，莫非呢D就係所謂既天命不可違? 我有一刻諗過好唔好再次返到佢未受傷前，但美女當前，再加上既然我已經出現，我一陣點都可以再幫Amy，我就冇再諗，「咩」起左佢)
女人香呢個詞真係冇錯，當同阿楚楚小姐近距離接觸時，就算係大熱天，大家都流晒汗，但佢身上仍然散發住一陣獨特既香味，再加上佢對34D無敵車頭燈壓落我背脊，嗅覺同觸覺既刺激完全觸發我男性既原始欲望，只想將佢就地正法，盡情享用，但幻想歸幻想，現實既我仍然保持住謙謙君子既態度。開心既時間永遠都過得特別快，眨眼間就到左酒店，Amy同冰美人就去左搞 Check In D野，正當我諗緊仲有乜方法可以繼續留係度同佢地傾時...
Amy’s FD: (繼續面紅紅咁) 真係唔該晒你呀，好彩頭先有你係度JA。
我: 唉呀，你唔好咁客氣啦，我只係剛剛經過，無理由見到靚女整親都唔理嫁MA，會俾雷劈嫁。
Amy’s FD: (怕醜醜咁) 乜你咁口花花嫁
我: 我失敗囉，同靚女傾左咁耐都問唔到佢叫咩名，而我心入面覺得最貼切你既稱呼就係靚女，咪咁叫囉。
Yan: (怕怕醜甜絲絲咁) 我叫阿Yan，你呢?
我: 我係阿Sam，Nice to meet you! 係呢，你地本身今日諗住入黎做咩嫁?
Yan: (面紅紅咁) 今日其實我生日，佢兩個傻婆話我成日都嚮往電視入面果D情侶行沙灘既浪漫情節，咪陪我入黎沙灘玩下水行下咁囉。點知就搞到咁，本身諗住行陣就返去，但而家整親，搞到要臨時臨急Book酒店...
我: Happy Birthday Yan!! 唔好唔開心啦，生日要開開心心嫁MA。
Yan: 多謝，我冇野嫁啦。本身都覺得D唔如意所有有少少唔開心，但見到佢地兩個咁錫我，跟住又撞到你WO，生日果然都仲有少少運。
我: 哈哈，我一時三刻冇禮物送俾你，如果你唔介意既今晚又冇乜特別野既，不如我請你食飯同你慶祝呀?
Yan: (面紅紅咁) 我一陣問問佢地先
話口未完，Amy佢地就check 完 in借左架輪椅行返黎。
Amy: 搞掂晒啦，可以上房
Yan: 今晚我地有冇咩特別安排?
Amy: 冇呀，你係壽星，你話點就點啦...
Yan: 頭先同阿Sam傾開，佢知我生日，想同我食飯慶祝
Amy: 你個衰妹，有異性冇人性啦。我地行開一陣者，就話要同人撐枱腳飛起我地啦。
我: 唔係唔係，我既意思係如果你地唔介意，我請大家食飯一齊同阿Yan 慶祝。
Amy: 都算你識做，今日壽星女話事。佢想點就點啦。
我: 好，你地幾多號房? 我一陣book好枱call 你地。
Yan: (面紅紅咁) 唔該晒你，咁我地一陣見。
(之前幾次既經驗話我知就算我係現在時空已經係千萬富翁，但，當我返到過去，我個戶口仍然都係仙都唔仙，好在時空之門並冇限制我帶埋現金一齊穿越，始終有D現金揸拿個人都安心好多，所以今次出發前我特登帶多幾個錢傍身。)
講真，大梅沙真心唔熟，所以我都係就咁係酒店餐廳book左間VIP房，俾左D tips個經理叫佢幫手買扎花，將間房好好佈置下，同埋講好一陣既安排我就去接阿Yan佢地落黎。
成餐飯大家都有傾有講，惟獨係冷美人佢係唔多出聲，笑都唔笑下咁。但我知道我呢餐飯既目標係阿Yan 所以我都冇乜點理佢。主菜煮得差唔多時，我同經理打左個眼色，經理就出左去推張枱入黎。
Yan: 我差唔多飽嫁啦，你仲叫左D咩野食呀?
我: 今日你生日呀MA，點可以冇生日蛋糕呢?
跟住我就行去張枱度，著起酒店為我準備既廚師袍同廚師帽，即場焗蛋糕。同時間，酒店安排既樂隊同埋魔術師亦都入黎唱下歌搞氣氛，等佢地係等我整蛋糕時冇咁悶。
我擰住個蛋糕行過去Yan果邊，樂隊亦都奏起生日歌。同時，魔術師亦都變出一扎玫瑰交到我手上。
我: Happy Birthday Yan!! 小小心意，希望你鍾意。
Yan: (眼濕濕咁) 多謝你。
跟住佢就錫左我面珠一啖，之後塊面就超紅。跟住Amy就係度起哄
Amy: 阿Yan，你拿拿臨切完蛋糕，我同阿思就會自動消失嫁啦...
果下既情況其實都幾老尷，我唯有係度傻笑，望左Yan一眼，見佢面都紅晒咁dup低頭，跟手我再望下Amy，佢個樣真係好得戚 (本身今次返黎係為佢，點知而家變左咁既情況); 我再偷望左冰美人阿思一眼，我見佢個樣閃露出一副羨慕但又唔甘心既表情，但馬上又變返之前目無表情果個cool樣。
切完蛋糕後，Amy真係好通氣咁同阿思消失左 (咁識DO，唔難怪佢係現在時空會係最紅既媽咪) 熱鬧過後，得返我同Yan兩個氣氛反而有D沉靜同怪。
我: 不如，我地一齊去沙灘度行下。
Yan: 我都想，但我隻腳...
我: 呀....我既意思係，如果你唔介意，我好似今日下晏咁「咩」住你行
Yan: (怕怕醜細細聲咁) 我聽人講夜晚既沙灘同日頭好唔同...
我一路「咩」住佢行，果種感覺同下晏好唔同，而家既佢成個人依偎係我背上面，行左陣，我地就行到酒店為我準備既另一個「驚喜」- 心形蠟燭陣再加Happy Birthday 字樣。當Yan見到呢個驚喜時，佢D 眼淚已經把把聲咁流出黎。我慢慢將佢放係心形陣既中間，跟住就坐係佢隔離。
我: 做咩事呀? 係咪我做錯左D咩令你唔開心?
Yan: 唔係呀，我好開心。我估唔到會發生係我身上。
我: 你今日下晏同我講你都好想第日會好似電視個女主角咁。雖然我知未必適合由我去做，但我聽到你講果一刻，我就好想為你去做，令你有一個難忘既生日回憶。我知我呢個身份咁做可能OVER左，希望你唔好介意。
(經過下晏既初步了解，阿Yan係一個極度嚮往浪漫情節既女仔，通常呢類活係電視情節既女仔當佢地係現實中遇到真係有人咁對佢做時，佢地既免疫力係近乎零)
阿Yan 錫左我個咀一啖，跟住超細聲咁講左句，咁咪唔OVER囉。
我: 可唔可以錫多啖? 頭先我冇心理準備...
Yan: No way~~嘻嘻
我: 咁你即係逼我做索馬里海盜者
Yan: 咩係索馬里海盜?
我未等佢講完野，就一野咀落去，同時雙手將佢抱左入我個懷抱。佢真係一D經驗都冇，只係雙眼合埋，我由一開始既只係咀唇錫咀唇，慢慢開始嘗試用條利撬開佢個口，一來可能佢冇經驗再加上佢真係好緊張，佢全程都咬實左牙關。
我: 你咬到咁實，我做唔到索馬里海盜嫁wo...
Yan: 咁你話我知咩係索馬里海盜先啦
我: 索馬里即係索吻脷囉，我就索左吻啦，但仲未索到你條脷...
Yan: 你好低B呀。
佢講完呢句後，再次合埋佢對眼，唯一唔同既係，佢個傻妹伸左自己條脷出黎。(待續)