紙言

[前傳]是咁的，我嘅職業係幫想自殺嘅人寫遺書: 19.係咪好細心呀？





「咪住！隔foam呀傻仔！」嗰日我唔夠訓，整mocha嘅時候打完奶，諗住一野車落個杯度，但靜思出手㩒住我。

我未做過其他cafe，但我地做嗰間就要求我地要隔走啲奶泡，唔可以連泡倒落隻杯。

「係喎，唔記得添。」

「傻仔。」靜思哼一哼我額頭，畀隻匙羹我：「幫你拎埋喇我，係咪好細心？」

我用隻匙羹隔住啲奶泡，將牛奶倒入咖啡同朱古力醬度。





「喂呀唔理人嘅，問你我係咪好細心呀？」