[前傳]是咁的，我嘅職業係幫想自殺嘅人寫遺書: 47.薜定愕的貓
「你講到一齊咁開心，點解又會分手？」
bobo無奈一笑：「其實我都唔知道真相。」
無辦法理解依句說話嘅意義。
「有無聽過，咩叫薛定愕的貓？」
「約略知道一啲。」薛定愕的貓係一個實驗，將貓放喺一個密室之中，毒氣會隨機放出。實驗者要知道隻貓有無死，唯一嘅方法就係打開密室，但喺密室未開之前，隻貓仲生存或者已經死咗嘅機會率係一樣嘅，所以未知道客觀事實之前，密室中同時存在「貓已死」同「貓未死」嘅現實。
簡單啲講，就係唔知道真相嘅情況下，一切可能性都可以係真相。