[前傳]是咁的，我嘅職業係幫想自殺嘅人寫遺書: 53.下一世

「點解我會咁鍾意你嘅～？」

「因為段姻緣天注定，大哂家嘛。」

「死啦，我想像唔到無咗你之後嘅日子要點過呀⋯⋯」

「想像唔到就啱喇，因為我會一直一直同你一齊。」

「真嘅？」





「真過珍珍薯片。」

「喂呀～唔准搞gag住呀，認真啲啦～」

「我今世都會同你一齊。」

「咁下世呢？」

「嗱下世我就會變成一棵樹，你就變成一隻樹熊，到時任你摟。」





「好浪漫喎，約定下一世都要遇到我。」

「係等你。我地今世相遇已經用咗六十億分之一嘅緣份，下世仲兩個周圍走就太難搵對方喇，所以我會變做樹等你。」

下一世，我一定會搵到你。

我鍾意嗰棵樹，只有一棵。