[前傳]是咁的，我嘅職業係幫想自殺嘅人寫遺書: 89.十一月二十三日

第四幅，係一個肢體受傷，全身插滿針好似箭豬咁嘅女仔初困喺一個狗籠入面。

佢擘大口，展露入面插哂滴血銀針嘅口腔，向籠外睇緊畫嘅我尖叫。

我一直，都聽唔到你嘅叫聲。

視線移向第五幅畫。

最後一幅，係由一堆手手腳腳堆砌而成嘅墓碑。枯木十字架貫穿頭顱，尖刺喺鼻哥穿出嚟。





惡魔圍住人肉墓碑起舞，揞住嘴嗤笑。

「影完走喇，睇得耐會發惡夢。」

「我已經狂打冷震。」

「閃人啦，翻去喇。」

現場仲有幾個人，但得我一個目不轉睛望住bobo最後嘅畫作發呆。





幅畫嘅完成日期，係舊年十一月二十三日。