[前傳]是咁的，我嘅職業係幫想自殺嘅人寫遺書: 91.凡人
繼續係咁樣接客，唔止一個，跟住落黎嘅每一個客人，都將會喺無助同孤寂之中自殺。
咁樣就係你要做嘅野？唔會吓話？
係，即使了解佢地，都未必改變到自殺嘅未來，但我而家係連了解都未做到呀！
我唔係超人，亦唔係神，無辦法拯救其他人嘅靈魂。
但作為凡人，仍然有微不足道嘅拯救方法。
我已經唔想再睇漏，我客人嘅一舉一動；唔想再聽漏，佢地嘅一字一句。
我唔想再第二日先由第三方口中得知自己嘅客人自殺死咗。
我唔想我嘅客人連遺書都未拎，就帶住無從抒發嘅感受永遠消失。