[前傳]是咁的，我嘅職業係幫想自殺嘅人寫遺書: 100.等待
「我知道你可能還很生氣，但我必須要把她的遺書交給文傑。如果你知道他的聯絡方法，請告訴我。抱歉，我沒能力阻止她自殺，我只有能力替她寫一封遺書，交到那個人手中。」
我估就算block我電話，都未block到我wtsapp，因為我未搵佢。於是第一個訊息就單刀直入講我想講嘅野。
至於之後佢會block我定覆我，已經唔係我可以控制嘅事。
喺等阿瀅覆我嘅期間，我繼續打電話俾其他畫家，但係睇嚟都同bobo唔太熟。
所有希望，都落喺曾兆瀅身上。
我望住手機，等佢落咗啖氣之後嘅回覆。