我係LKF做Party Girl: （十）Rabbits Night
10）
「復活節，做得生意緊係要搞下D綽頭。 來，來，來。一人一對兔耳仔」老細一路派
利是咁款咁逐個逐個派兔耳仔HEADBAND比我地。
望住一班女仔，企係呢個空氣唔流通嘅OFFICE 入面，個個好開心咁將隻老耳仔戴上個
頭到。
有D嘔心，我覺得我地一班女仔好似一班識講野、識行識走、識食識訓嘅工具，
生財工具。
而依班女仔臉上表現出嘅表情又係幾咁開心。
佢地講黎講去嘅話題不外乎最近識左邊條新仔，條仔揸咩車、月入幾多，買左D咩比
佢地𠴱D、整容整左邊忽⋯⋯
一種好焗促嘅感覺湧左上心口，終於我忍唔住衝左去廁所到嘔。
係呢個紙醉金迷嘅地方入面，有幾多個人真係知道自己係到做緊乜野？
1點，CLUB入面愈黎愈多人，復活節為主題嘅夜場，睇落多左一份童真。
我望住高高瘦瘦嘅兔女郎拎住酒杯同唔同嘅搭訕男人談笑風生。
唉，好想離開呢到。
我意思係，我唔想再過呢種靡爛嘅生活。
「L，你搞咩啊今晚？成日都唔見左人，唔洗做啊依家？」老細一見到我就火火地。
「有D唔舒服，去左洗手間。」我解釋。
「去B ZONE企下，𠴱邊冇乜女。」佢命令我。
我心入面反左唔知幾多下白眼。
依個老細，中年男人一個、MK髮型、得米7嘅矮仔。
外形唔討好嘅佢，性格一樣都係咁黑人憎，真係相又心生。
佢最叻就係抽囡囡水，猶其係新入黎做𠴱D妹妹仔，冇一個可以走出佢嘅魔掌。
望住眼前依個成個扯皮條嘅男人，命令我行就要行、企就企，
嘔心嘅感覺再次湧到上心口。
我慢慢咁行到去ZONE B，見到好耐冇見嘅MAY。
佢睇落好精力充沛，戴住對兔仔耳更見到佢嘅活力
同前幾次見到佢一樣，春風滿面。
有一日，或者佢會由PARTY GIRL 變成PARTY QUEEN 都唔定。
「喂，L！好耐冇見。最近係咪識左讚石王老五，去左邊到玩咁啊？」
係CLUB入面好嘈，所以啊MAY要係我嘅耳邊講我先聽到。
對於MAY講嘅野，有一半係真嘅。
我真係識左個王老五，佢帶左去我巴黎玩。。。
不過我冇同到啊MAY講，
因為我唔想令到A生嘅形象好似一個Sugar Daddy咁樣，
又或者我知道無論我點講，旁人嘅既定諗法係唔會因為我講嘅野而改變。
「緊係冇喇，返左鄉下姐。」音樂好嘈我覺得愈黎愈唔舒服，潛意識話比我知我依家
一定要射波。
同大佬講完之後我拿拿聲就返左A生尖東嘅屋企。
離開嘈吵嘅老蘭之後，我終於可以安安靜靜咁訓係沙發上休息一陣。
「死8婆，玩完捨得翻黎未？」突然收到好耐冇見，JC嘅Whatsapp。
「返左啦，遲D黎搵你。」我覆佢。