【尋人】我喺Poly遇到個1999嘅怪忍者: 十七

我感到人中位置一點點痛楚，意識正甦醒過來，張大眼睛後便看見凜和。


「你無事嘛？」


「我無事呀，點解你會係度嘅？」


原來被綁住的雙手終於鬆脫。




環望眼前四周，我們正在理大。


「嘉嘉通知我，你好像被人捉了。」


「通知？」




「其實我跟嘉嘉一直都有保持聯絡。」他細看我手腳的傷痕和頸部，檢查我的傷勢。


然後從身上拿出一樽葫蘆形的東西，倒在我左手的傷口上。


「小心，會有啲痛。」




我感到一陣劇痛，忍不住叫了出聲。


「啊......」


「忍住。」


我點點頭。


「因為我擔心妳。」




「係喎！你知唔知嘉嘉就係！」


他點點頭，仿佛已知道一切。


「你知？你幾時知架？」


「出院時候，跟嘉嘉聊過天，便知道她應該是我要找的對象。」


「其實究竟係咩？你要搵嘅係怪物？」




「妳也可以這樣說。」


「咁你會點對嘉嘉。」


「放心，我們是要幫助她。」


凜和說：「不過我們要起行。」


「點解？」我想了想後說：「我地仲未擺脫佢地？」




他點點頭，然後說：「他們來了。」


由於己經是深晚，街上的人寥寥可數，寂靜的街道顯得十分可怕，好像每一秒都仿似會有人衝出來一樣。


我怕那些忍者。


沿路上，一直有奇異的風聲，吹過不停，讓人感到可怕。


凜和似乎意識到我的害怕，握著我的手握得更大力。




「你地到底會點對嘉嘉？」


「我地並不是想利用佢，只是想將夔抽出，結束這千多年的悲劇，但追殺我地那班則不同。」


「夔到底係咩嚟？」


「一種上古已出現的怪物，近似牛，一隻腳一隻角，傳聞一入水就招嚟風雨，光如日月一樣，叫聲似雷。」


「咁點解會去咗人身體。」


「怪物生存係深山自然同人衝突就少，但當出現時，就會起衝突。人自古就有對付妖怪經驗，楚國唔例外，因為佢地處瘴癘之地，更多妖怪居於其中。所以佢地熟悉與怪作戰。其中一種方式，亦最唔人道嘅方式就係活人體封印。」


「點解要咁做？」


「因為被封印者，結合人與怪，力量可以好強大。」他補充一句：「秦始皇后就係其中一個。」



此時，凜和帶我轉入漆黑無人的小巷，說時遲那時快，幾個忍者隨即出現！


凜和不知何時，已上跳在大廈高處，從高中躍下，一腳踢在其中一個忍者頭上。


其餘幾個忍者迅速散開，速度之快令人無法用肉眼看見。


不過凜和好像更加，只見他騎在一個忍者身上，那忍者又迅間倒下，他再閃走，原來無人的街道，開始躺著一具具忍者的屍體。


他雙手同時拔出苦無，又刺殺左右兩個忍者。


我從未見過移動得這麼快的人。


「今次不同，佢地係傾巢而出。」


「我地......係咪死硬？」


他搖搖頭說：「我唔會畀你死。」


「咁嘉嘉.....佢會唔會有事？」我問。


「放心，他們未知嘉嘉身份，所以唔會。」


刺殺那小隊忍者後，我們躲到一條內街的後巷中。


「我地.....應該點做？」


難道只可以在這樣等死？


「等一個時機。」凜和說。


「咩時機？」


「時機到你就會知道。」


「咁究竟同封印有咩關係？」我重問這個問題。


凜和仍是警覺地望著四周，他一邊監察著一邊說：「始皇后，正正就係封印術之下其中一個犧牲品。」



用人體封印妖怪，自古失敗例子眾多。但偶然萬分之一中，有成功的例子的話，所獲就是甚大。


以處女為祭，妖怪封印人體後，其結合人與怪的力量，破壞力很大，非常適合用於刺殺。控制這種力量對一個處於戰亂不休時代的國家而言，是十分重要。


始皇后正是殘忍地被植入這種的封印，為的是送去秦國。


就是刺殺秦始皇，挽救當時日漸衰敗的楚國。


可以說，這是楚國王室的最後希望。


不過歷史告訴我們，秦始皇沒有被刺殺成功。


是因為皇后與他真的產生感情。