布達佩斯男孩: 序

係布達佩斯嘅𠴱一個暑假，我識左一個係布達佩斯長大嘅香港男仔。
 
呢個男仔眼大大鼻高高，係典型嘅靚仔樣，佢22歲。
 
佢平時有做開Gym，幾大隻下，仲讀緊書，兼職做演員。
 
𠴱日，佢送左我去布達佩斯火車站，佢買一個M記包，然後跑上車，
 
遞左個M記包比我，佢笑一笑，怕怕羞羞咁同我講「記得食早餐啊。」
 




除左M記包，佢係車到送左「我人生第一隻PANDARA手鐲」比我，
 
手鐲上面有一個心，之後佢就行左落左車。
 
𠴱一架車係由布達佩斯開往維也納嘅列車，車程大約3個鐘。
 
班車開出之後，窗外面嘅景色不外乎係山山水水、間唔中有一兩橦建築物。
 
我望住手上拎住嘅M記包，
 




同𠴱隻有粒心，上面仲刻住Always in my heart嘅PANDORA手鐲，
 
𠴱下有少少感動，不過其實只係感動左一下咁大把，
 
直到依家我都冇同佢講返，
 
其實呢，我唔鐘意食M記包，亦都唔鍾意PANDORA。
 
我𠴱陣時心入面，更加期待嘅係布達佩斯之後嘅旅程。
 




之後嘅旅程對於𠴱陣時嘅我黎講，
 
比起手上拎住嘅一個M記早餐包同一隻手鐲，更加值得興奮同期待。