布達佩斯男孩: （三）
個故仔一時由啊May 講，一時布達佩斯男孩講：
布達佩斯男孩：
「就咁樣我係布達佩斯住左一年又一年，慢慢都習慣左係Buadpest 嘅生活，係香港嘅
童年回憶亦都離我愈黎愈遠。 終於我都升到上中學，再唔係小朋友，都叫做係一個青
少年。
開學𠴱陣，我識左好多新朋友，好快又同幾個男仔一齊玩。我地好鍾意上堂傾計，
老師都理唔到我地幾多，我地間中學唔係特別好，叫做不過不失。
新老師係一個女人，佢個名叫做馬耳他，生得高高瘦瘦、啡色嘅頭髮，個樣係大眾
臉，唔係𠴱種見左一次就會記得𠴱種，不過佢打藍球打得好好，係藍球場到，我地一
班男仔放學都會同佢一齊打，有時會輸比佢。 她除左教我地生物化學之外，仲有PE
堂。第一堂PE堂，佢就叫我地做10下掌上壓，鍾意扮野嘅我就話要做50下，佢話做
到50下嘅話就加我5分。當然，我最後拎到5分。
入左中學冇約耐，11月，距離開學先兩個月，突然有一個隔離班嘅女仔ADD左我，佢
由一個暗戀我嘅人，應該係問人拎左我FB再同我係FB傾計。傾左幾日之後佢話想做
我嘅女朋友。𠴱陣時，我都唔知咩野係愛情，咩係拍拖。
我覺得佢都幾靚女所以就應承左佢嘅要求，一齊拍拖𠴱陣，我地每日一齊返學放學，
間唔中我會送佢返屋企，慢慢我愈黎愈鍾意佢，可能因為覺得同佢一齊好開心。
佢同佢爸爸媽媽講左我地拍拖，然後，佢既父母大力反對。而同佢一齊，我冇知會我
屋企人，除左我家姐之外。有一日，佢同我講分手，我開頭以為係因為佢父母嘅反對
而分手。點之過左一個星期，我就見到佢同我𠴱班另一個男仔一齊左。我一直都唔鍾
意𠴱位同學，因為佢成日口花花，周圍識女仔係佢嘅強項。
諗返轉頭，其實我都有做唔岩嘅地方，我成日掛住同班兄弟打機冇理到佢。我依一段
初戀就係咁持續左三個星期就完左，而佢都DEL左我FB。𠴱陣時嘅我覺得自己好失
敗，比佢DEL左嘅FB冇辦法加返。分手對我影響都幾大，之後嘅好長時間，我都冇晒
心機做野，活係失戀嘅陰霾入面。我慢慢收埋自己，鍾意自己一個人，係學校自己玩
手機，上網睇下文，灰到專登去睇心靈雞湯、勵志故事希望等自己好過一D。
第一年中學功課唔多，冇乜學業壓力，下就一點鐘放學會去做GYM，總之多數嘅既時
間我都係自己一個人。
我嘅人生，無論係學校定係家庭，都變得好灰暗。
我嘅父母好少同我溝通，啊爸係一個固執嘅人，有佢講就冇人講，食古不化。無論有
咩爭執問題，都係佢岩晒，我錯晒。反正我同佢就好少傾計，反而同啊媽都叫做有兩句可以傾下。
雖然已經黎左匈牙利幾年，但係成日都係群埋中國人堆到講中文，所以我D匈牙利文
冇乜點進步，因為遲入學嘅關係，我比同屆嘅人年紀大，所以我覺得同我𠴱班D好細
佬仔，冇乜野岩傾。有時就算我想同佢地傾計，佢地講D匈牙利文太快太深，我又聽
唔明，所以最後我選擇左沉默。
係學校最多都係有一D Hi-Bye Friend，可能我唔講野，所以比人感覺係好cold、
好難相處𠴱種人。由小學好多野講嘅我，中學失戀之後就慢慢轉變成一個好靜嘅人。
係中學入面，課室入面裝左CCTV，我唔知點解要裝，每一日返學，都有一種受監控嘅
感覺。
輟學
18歲𠴱一年暑假，我決定輟學。
𠴱一年暑假，我去左一間酒樓到做Waiter，亦都係我人生入面第一份工。
暑假之後嘅9月，我一路返學一路繼續返工。
幾個月之後，酒樓執左笠，雖然得𠴱短短嘅三個月時間，但係人生第一份返嘅工入
面，都叫做有唔少嘅體會，發現原來賺錢係好辛苦。係依段時間入面，我有8日要頂
人洗碗，雖然好辛苦，不過同同事相處得幾開心，開心過返中學要同班唔岩玩嘅同
學一齊上堂。
開左學之後，我繼續返工，每日夜晚10點半先收工，朝早讀書，所以每日返學都冇精神上堂，成績愈黎愈差。去到終期考，
要考匈牙利文同化學，兩科我都肥左佬，所以要補考，如果唔係就要留級。
我好灰，冇晒心機再讀落去，萌生左退學嘅諗法。
最後我真係退左學，去左一D華人開嘅批發鋪打雜，剩係做D搬搬抬抬嘅野，
我覺得自己好冇出息，但係我真係唔想再返學校。
過左一排，我家姐睇唔過眼我咁頹嘅生活，佢逼我返學校讀書。
半年之後我去左另外一間中學讀書，我嘗試Pick Up 返之前D科目，
讀書讀得比以前勤力左，上匈牙利文堂都比以前更加專心。
學業方面叫做好返D，不過感情生活就空白一片，自從初戀之後就冇再拍過拖，
我可以話係一個愛情白痴，乜都唔知。
直到有一個暑假，我係一間Hostel 樓下嘅一個BAR到撞到啊MAY。
𠴱一間HOSTEL係一間受歡迎嘅Hostel，好多旅客都慕名而黎。
間Hostel 個名叫做Full Moon Hostel，裝飾都係用月亮同星星嘅燈。
我同幾個朋友係到飲野既時候，突然有幾個女仔行過黎同我地講野。
「你地係唔係都係旅客？」有一個靚女問我同我班FD。
佢眼睛水汪汪，鼻高高、小麥膚色，佢係我心目中嘅女神形象
𠴱一晚佢紮左一條馬尾，著住一條淺藍色嘅連身裙，
如果依個世界上有一見鍾情嘅話，我諗，我對佢就係一見鍾情掛。
𠴱一下我有觸電嘅感覺，唔通佢就係傳說中從天而降嘅女神？
「唔係啊，我係到讀書，屋企人都係匈牙利到住。」我答完佢之前即刻就轉移目光。
面對住眼前依個靚女，對住佢，就連我講野都有少少怕醜。
依位靚女就係啊MAY。
好記得𠴱一晚間BAR播住Avicii 首 Waiting for love,
啊May 係布達佩斯嘅𠴱一個星期，去親每一間Bar都好似總會播一次Waiting for love 。