簡介

Hello! 我係應屆DSE考生,第一次寫小說,希望大家可以係呢個小說可以有反思,但係可能係人設同世界觀都好差XD,不過大家請留言同inbox話我知我有俾我聽,狠狠地鞭策我。感謝大家!



「呼...... 終於走甩,現家啲記憶官仲煩過以前」「喂,阿俊飲啦,跑左咁耐都攰架啦。」

咩話?你話我點解叫阿俊呢啲咁老土既名?唉....... 其實現家係男就叫阿俊,女就叫阿晴。 
事源係好耐以前,世界第三次世界大戰爆發,半個地球就咁俾核彈炸凹左。個班科學家咪聚埋一齊諗下有咩計仔拆掂佢,個陣有個叫吳得掂既人走出黎話,其實現家搞成咁都係怪啲人類啲負能力太勁,成日唔係你串佢,就佢串你,成班都唔識人生規劃。哪,我覆述架咋,唔好怪我太mean。跟著班科學家R爆頭終於諗到可以終結一齊既方法,其實真心覺得佢地真係好聰明,竟然諗到呢啲方法。 

佢地以美國做中心,每個小朋友係出世嗰陣都會植入一塊晶片,呢一塊野會分析腦既構造,適度調整令人唔會有任何情緒,於是一個所謂正確既社會就咁產生,每人一出世學習一式一樣既知識,每人每日做既都係一樣,但無人會覺得奇怪,因為佢地個腦已經認定左呢啲先係正常。最變態既係當世界電腦(啊!我唔記得左講,世界電腦係一部實時監測所以人既腦,從而改變塊晶片既運作)偵測到世界有異常,就好似2014年既雨傘革命咁,佢就會係美國發出訊號,令嗰到既人即係冇晒自我意識,機械人就即刻捉呢班人「再教育」。 

但始終有啲人既基因會係長大既時候,可以擺脫晶片控制,呢啲人我地就叫局外人,但好景不常世界電腦終於發現我地存在,佢突登整左一種機械人出黎,捉我地洗記憶,改基因,務求令我地由局外拉返呢個所謂正常既局內。而我地一班局外人亦組成反抗團體,學習以往既知識(唔係你估我會知咁多野?),目的就係去美國拆左個所謂既世界電腦,還番個如果俾世界。

而我地就叫「沒有如果的世界」
已有 0 人追稿