[誤墜]係獅隧口落車 就出左事: ７

為了打破現狀，我硬著頭皮都要向光源處走，照道理應該走不遠就到新翠村之類地方。 
什麼村不是重點，有人就可以了吧、不然截架的士也可，搵條友幫我打三條九就最好 。 

行下行下，聞到啲煙曛既味道。以我多年中學既睇人ＢＢＱ經驗，味道既來源絕對係一班後生仔女ＢＢＱ緊！ 

我循煙味方向走過去，一方面希望盡快一解五臟之苦、二來有見活人既話我就可以安心好多。 

豈料去到既只係一間獨棟房屋，因為手機壞左，我已經影唔到相…… 
 
屋外冇街燈，只有從小屋外空地燒烤爐上的火光、及屋內微弱的燈光給照明視野。 





離奇的是桌上有準備燒的食物；有圍在爐邊的木椅；有燃於甘時的爐炭…… 

但，一個人都沒有。 

還有那關得緊緊的鐵門、傳來裡頭微弱的燈光。 

一個人，都沒有……