那貓咪與我對峙了數秒,黑靈靈的大眼映照出驚到瀨屎既我。 

原本對貓有極度大愛既我,似是發了瘋的弓了起身,那貓馬上矯捷的跳了一旁去。 

我仆仆趺趺咁企起身,打算拔腿就走。 

其實件事有冇咩大不了,係有一人一貓、隻眼純黑色咁走左出黎咁解。 

人對未知、存在住莫大恐懼感、因為係人類社會抹殺左大多人面對未知既機會。 





好似你細細個就有人教你哩樣係乜、果樣係乜、點解會咁。 

或者你根本從未有機會懷住不安、恐懼感咁去第一手了解一件事物既本質,所以無可唔能會適應到。 

起返身果刻,我先發現、身體開始虛弱。 

轆落黎既傷、飢餓到不行既胃、開始濃厚既睡意、十度左右既天氣,仲有屨次既精神繃緊。 

使得我不其然大口、大口呼吸去嘗試冷靜自己、果一陣放鬆既感覺搞到我已經想放棄、繼續攤係到…… 





係我訓係地下懶緊床既時候,我見到路邊有個人影行過。 

係一個同我差唔多年紀、廿靚歲既後生仔。 

如果狗衝係咁既感覺既話、我終於明白啲狗既訴求其實係有幾大。 

我成個人彈起身,一爬一撞就行返出路、叫停個後生仔。 

「靚仔!喂!」 





突然間我醒起一樣野,如果佢一擰過黎、我又睇唔到佢眼白,我今次走唔走好? 

但未有太多顧慮既時間、佢已經好快咁擰左過黎望住我……好彩、今次佢雙目黑白分明,正常人樣。 

「哇,好彩你隻眼冇野。」我抒一口氣。 

「我隻眼?」佢眼神帶有不解、疑惑咁打量緊我。 

「係阿、講你都唔信,我唔係講鬼故、頭先撞到個細路女成隻眼都黑色架!」 

講緊既時候,唔知係佢趕時間定點、佢個面色好似越黎越難睇。