[誤墜]係獅隧口落車 就出左事: ２３
『獨獨獨』……
完全無規律既聲音，不停再係我腦入面迥響！
聽得出既只係不停重複咁叩打傳聲位置、基本上毫無意義邏輯可言。
彷似啄木鳥啄食時既響聲，只不過材質換成硬膠穀。
聽都聽到我心煩，但、突然我有個奇怪既諗法。
外國有單新聞係講有個後生女去郊區遊玩既時候比熊群襲擊、圍捕。
你睇啲商人包裝到啲熊好可愛咁，其實人唔可能走得快過隻熊，仲要熊係好凶猛既肉食動物。
走唔甩之下個女仔只有等死一途，係比幾隻熊嚼食緊全身既時候、佢打左個電話比佢娘親，講低遺言。
就係有個電話打到出黎，件事可以先令外界唔少人震驚。
會唔會，打比我果個人、同樣比唔知咩野襲擊緊？最後比類似鳥類既物體啄佢身上既野？
係既話、咁佢叫我『去』同『走』係咩意思？
又叫我『快』、『等』即係想點？
最重要既係，係哩個時候冇咩人會打比我，除左我娘親……
諗到哩到我成個人都好似離一離咁，空白既腦海閃過無數影像將我至今所遇既境況掛勾。
係咁既話……咁今次就仆街喇！
我無視身上所有疼痛感、只係搏老命咁樣向前跑。
娘親！一定要平安無事阿！
＊
成條路乜人都冇，奇怪既違和感籠罩住成條新翠路。
平時人煙稠密、車來車往既街道，突然間好寧靜。
所有路、銀泉茶記、寵物店、洗衣店、就連仆街地產商都係一個人都冇。
不過冇人有冇人既好、我係馬路中心大搖大擺咁跑。
自由到好似打緊機咁既感覺真係第一次有……咦？打緊機？我腦海好似靈光一閃過啲奇怪既記憶。
但，諗黎都冇用住、起碼確定到屋企人既安全係最緊要。
去到一個路口，唔係住果頭既你應該唔會知，係金獅花園旁邊有條長樓梯。
係連接新田圍村同新翠村既捷徑。
我冇考慮太多、一口氣跑左上去，途經馬路、巴士總站一概都冇全無人影，就算有車都係得架空車係到。
去到商場四樓就撳密碼上樓……當然連值勤既看更叔叔都一概消失不見。
我撳左上樓既升降機制，可能我太心急、眼見等左好耐都未落黎。
愛恩斯坦既『相對論』真係萬能到屈機既地步，完美解釋左感受既相對性。
突然咁理性？我意思係我而加有如熱鍋上既蟻，焦急到等一秒都好似一萬年咁耐！
我把心一橫。算啦、就算啲傷口點爆都好、要入廠縫幾多針都好，唔理住喇。
我烏低身紮緊少少腳上面既繃帶、就一口氣跑左上三樓屋企。
『叮噹！叮噹！叮噹！』我猛按門鐘，祈求我細妹會好似平常咁懶洋洋走過黎開門，問我做咩晨早流流嘈醒佢。
不過其實我一早心中有數、既然全部人都已經唔係我所見既沙田出現，自然我屋企人都……
諗到這裡，即使一路跑黎、無限個不安既影像早已經係我心頭預演過一次，仍難平伏果種惶恐不安。
每一下既按鈴聲起我都會有個寄望、雖然明知會隨住鈴聲消失而幻滅，但我依然不停地按。
沉日出街又唔記得帶鎖匙，壞習慣！……唉，本來我屋企就甚少一個人都冇、只要一按就有人為我大開家門，鎖匙既必要性自然唔高。
無人應門都並唔係無方法既，我視線轉向鐵閘的暗匣角落。
越來越發抖既手腕係鐵閘邊摸索，好在我娘親真係掛左條後備匙係鐵閘暗位！
可笑在、我震到連對鎖匙窿都要隊幾次先隊得入。
拉開鐵閘……大門即將推開……
「娘親！」我一入門即大叫。
但，沒有人。
連我設想既血腥恐怖場面一個都冇發生，係完全冇人既跡像。
完全無規律既聲音，不停再係我腦入面迥響！
聽得出既只係不停重複咁叩打傳聲位置、基本上毫無意義邏輯可言。
彷似啄木鳥啄食時既響聲，只不過材質換成硬膠穀。
聽都聽到我心煩，但、突然我有個奇怪既諗法。
外國有單新聞係講有個後生女去郊區遊玩既時候比熊群襲擊、圍捕。
你睇啲商人包裝到啲熊好可愛咁，其實人唔可能走得快過隻熊，仲要熊係好凶猛既肉食動物。
走唔甩之下個女仔只有等死一途，係比幾隻熊嚼食緊全身既時候、佢打左個電話比佢娘親，講低遺言。
就係有個電話打到出黎，件事可以先令外界唔少人震驚。
會唔會，打比我果個人、同樣比唔知咩野襲擊緊？最後比類似鳥類既物體啄佢身上既野？
係既話、咁佢叫我『去』同『走』係咩意思？
又叫我『快』、『等』即係想點？
最重要既係，係哩個時候冇咩人會打比我，除左我娘親……
諗到哩到我成個人都好似離一離咁，空白既腦海閃過無數影像將我至今所遇既境況掛勾。
係咁既話……咁今次就仆街喇！
我無視身上所有疼痛感、只係搏老命咁樣向前跑。
娘親！一定要平安無事阿！
＊
成條路乜人都冇，奇怪既違和感籠罩住成條新翠路。
平時人煙稠密、車來車往既街道，突然間好寧靜。
所有路、銀泉茶記、寵物店、洗衣店、就連仆街地產商都係一個人都冇。
不過冇人有冇人既好、我係馬路中心大搖大擺咁跑。
自由到好似打緊機咁既感覺真係第一次有……咦？打緊機？我腦海好似靈光一閃過啲奇怪既記憶。
但，諗黎都冇用住、起碼確定到屋企人既安全係最緊要。
去到一個路口，唔係住果頭既你應該唔會知，係金獅花園旁邊有條長樓梯。
係連接新田圍村同新翠村既捷徑。
我冇考慮太多、一口氣跑左上去，途經馬路、巴士總站一概都冇全無人影，就算有車都係得架空車係到。
去到商場四樓就撳密碼上樓……當然連值勤既看更叔叔都一概消失不見。
我撳左上樓既升降機制，可能我太心急、眼見等左好耐都未落黎。
愛恩斯坦既『相對論』真係萬能到屈機既地步，完美解釋左感受既相對性。
突然咁理性？我意思係我而加有如熱鍋上既蟻，焦急到等一秒都好似一萬年咁耐！
我把心一橫。算啦、就算啲傷口點爆都好、要入廠縫幾多針都好，唔理住喇。
我烏低身紮緊少少腳上面既繃帶、就一口氣跑左上三樓屋企。
『叮噹！叮噹！叮噹！』我猛按門鐘，祈求我細妹會好似平常咁懶洋洋走過黎開門，問我做咩晨早流流嘈醒佢。
不過其實我一早心中有數、既然全部人都已經唔係我所見既沙田出現，自然我屋企人都……
諗到這裡，即使一路跑黎、無限個不安既影像早已經係我心頭預演過一次，仍難平伏果種惶恐不安。
每一下既按鈴聲起我都會有個寄望、雖然明知會隨住鈴聲消失而幻滅，但我依然不停地按。
沉日出街又唔記得帶鎖匙，壞習慣！……唉，本來我屋企就甚少一個人都冇、只要一按就有人為我大開家門，鎖匙既必要性自然唔高。
無人應門都並唔係無方法既，我視線轉向鐵閘的暗匣角落。
越來越發抖既手腕係鐵閘邊摸索，好在我娘親真係掛左條後備匙係鐵閘暗位！
可笑在、我震到連對鎖匙窿都要隊幾次先隊得入。
拉開鐵閘……大門即將推開……
「娘親！」我一入門即大叫。
但，沒有人。
連我設想既血腥恐怖場面一個都冇發生，係完全冇人既跡像。