[誤墜]係獅隧口落車 就出左事: ５８

仆街，唔記得左後面個衣櫃對鞋！ 

細路女係我身邊好開心咁笑住講：「媽媽！」 

這個黑色雙目的女人沒有理會細路女。 

一切已經太遲，我見到鏡入面既自己瞳孔不停擴張，身後女人頭部猛地不自然抖動、左手將最後一撮『頭髮』放入口中咀嚼後，就一手鉸剪襲向我頭！ 

我根本反應唔切，剪刀係我後頸『咔擦』左一下！ 





奇怪！竟然唔係插落黎，而係剪走左我髮尾既一撮頭髮。 

黑裙女人不自然抖動既頭部縱前張口，咬住準備從我頸後掉落既頭髮！ 

實在驚嚇！佢縱前既時候離我只有分毫距離！ 

我嚇到成個人大動作轉身，一手推開左個女人！ 

黑裙女人跌坐係地上，口中不停咀嚼我既一撮髮尾…… 





『格格格格格格格格格格格』突然，女人口部動作由咀嚼換成不停咬合口齒。 

「嘻嘻……嘻嘻HEHEH嘻EHEHE嘻HEHEHEHEHE嘻嘻HE嘻嘻」嘴部停止活動，轉而發出詭異既聲音！ 
不自然既頭部左歪右斜既猛地抖動，最後固定於朝著我慌臉的方向…… 

乜撚野事！個女人痴架？ 

－－「佢地需要你，可能係『儀式』既一部份。」白大叔說。 

出事！唔可以比佢地成功！ 





我無視跌坐地上既女人，轉身像閃電般快速、打開第三格櫃門！ 

只要燒毀左第三格既野，小白就有救－－ 

我想烏低身睇下入面有咩既一刻，櫃門被一手大力關上。 

我縮手縮得快，一望竟然係黑裙女人，佢同我面與面之間距離不足五厘米！ 

但佢已經停止左不正常的抖動，口中亦沒有發出古怪既聲音，而且仲開口講野…… 

「年輕人，停手。」