[誤墜]係獅隧口落車 就出左事: ７１

但、有一個疑點，到底、係我屋門口再設一個『界』既出入口對黑家既人有咩好處？ 

假如，該日我並無發現佢仨個係我門口做手腳、可能我一出門口，見到樓下已經周圍都係人、亦都唔會再生任何事端。 

再假如，佢地有能力係『界』新增入口、然後有方法關閉這臨時增設既入口…… 

即係，可以趁我出門口之後、再將入口關閉…… 

咁我當時就會係接觸所有『黑白』兩家事物之前、完完全全可以離開『界』內…… 





所以，其實、佢係地係想救我？ 

回憶起電話既內容、其實都係叫我離開現場、甚至要我引導我返屋企。 

到底個電話係邊個打比我？

縱是苦思，即不可能想出結果，因為我原本認識的人根本不在黑白兩家之內阿！ 

「小白？」我輕輕將佢推出我懷內。 





「嗯？」果然，停止左哭喊既小白仍然抽噎、眼睛紅紅。 

「你係黎到我屋企之後先第一次見到『電話』？」 

「係阿，雖然係書見過、但實物第一次見，我地無電話架。」 

「咁黑家呢？佢地咁多人用咩方法通訊、聯絡？」 

「聽阿爸講，佢地手上既木棒係同佢地獨有既聯繫方法有關。」 





果然，來電既人應該係同黑家有關係、最尾一串既『獨獨獨獨』聲就可以推測得到。 

「小白，你會唔會諗到、我地宜加打電話出去每次接通都係該把聲－－ 
『沙沙沙……「你……」沙沙沙… 

「去……嘟嘟嘟……走！」 

「又…嘟……快！……等！」』，發出聲既、會係邊一個？」 

小白歪了一下頭，沉思傾刻、極力地思索，但亦無什麼『解明了』的神情出現過。 

我阻截小白無止盡的沉思：「小白，我想同返去搵你阿爸之前、搵該一個人。」 

「你意思係電話入面把聲既主人？你知佢係邊？」 





「唔知，但既然對方可以利用大氣電波、傳遞方法已經固定－－這個方法必然有一個發射塔，所以該個人應該會係沙田最高既地方。」 

獅子山。 

或者、發生過以黎咁多件事，最知情既、可能係來電既『佢』。

但『佢』又係邊個，除左親自揪他出來、只怕別無他選。