他們的溫馨,令我不其然想我爸爸、即使只是幻覺、妄想,亦令我心感溫暖。 

但--事情終歸要有一個結局! 

「白大叔--!點解你要咁殘忍殺哂村入面黑家既人?!」 

白大叔別過頭來,眼神一厲、那種壓力大得差點令我透不過氣來。 

「細路,你既觀察力都唔錯,既然你留意『界』既根基係遍佈係村入面既『白花』、見到的手上樽火水好自然都知道,火係我放既--」 





「但,我放火就殘忍?你呢?」 

我啞然,這個問題的鋒利度直教我閉嘴。 

「咁……咁係無辦法之中既辦法!但--你一開始就有心想利用我去殺黑家既人--」 

「只要燒燬『禁后』所需既物品,黑家就冚家玩完!本來你就……」 

我話仲講緊既時間,白大叔一個踏步、走上前單手封住我口,拖了我出門口外。 





「阿女、你同依貓睇住個細路女,我同日京草出一出去好快返--」 

白大叔半推半拖將我管出門口,然後才放開那力大得差點捏碎我嘴唇的手。 

「你究竟有咩目的?就係殺哂黑家所有人?」 

白大叔眼神透著無奈:「睇黎你對件事仲未完全知情……」 

「你跟我返去小屋--『潘朵拉』,我完埋件事、你就會一清二楚。」 





說罷,就起步走往小屋方向。 

之前都講過,白祠同獨棟小屋相距不遠,抵達後、依然是已打開的大鐵門。 

「阿壯--我個女係咁叫你架可?」白大叔一改強硬態度。 

「事已至此,我好應該將件事完完本本話你聽。」 

原來……件事真係仲有野我唔知既?