[誤墜]係獅隧口落車 就出左事: ８３

我輕輕扶好小白，將烏鴉口罩交她手上。 

「個『口罩』唔可以暴露係『界』以外既地方太耐，你拎住佢返去白祠等我、我去帶蔣先生出去，就返黎搵你地！」 

回到白祠大門，見到八千代正正同依貓伏係地上對峙，八千代撲了過去、瞬間依貓跳了上八千代背上，倒地的八千代不住地咔咔大笑。 

小孩就是這樣的天真無邪、完全沒有被壓人的氛圍所影響－－放心、我應承過你媽，一定會救你出去！ 

「壯，一定要小心－－你話過條命已經係我架喇、唔準亂掉、知無！」小白雖然口硬、但眼神不住帶出擔憂。」 





我點點頭：「咁我走喇，你幫我睇住佢地、唔好比佢地踏出白祠門外，靠你喇。」 

正當我想轉身、小白拉住了我衣角：「你記唔記得『界』既出口係邊？」 

我眼珠轉了一圈，打趣道：「當然記得，細個果陣你捉我入黎陪你果條小路丫嘛。」 

小白一個臉紅：「衰人阿壯－－講到我好似柺子婆咁！」 

我回以個微笑，就向車公廟方向跑去，走的剎那仍然聽到小白係後面既『早去早回』。 





隔田村與車公廟相距並不遠，跑過去亦只不過數分鐘路程。 

但白大叔、紫逅口中所說的『未知既危險』令我警覺起來。 

幸好沿路除了因為過份謹慎前進而耽誤了少許時間，並無其他意外發生。 

車公廟依然人煙凋零，當然、因為這裡是『界』內的車公廟。 

「蔣先生－－蔣先生！」跨步走入大門，放聲在舉目無人的車公大殿呼叫。 





殿內的回音把我的聲線重複了好幾次，我諗可以係車公廟放肆成咁、這世人只有這一次機會。 

「草仔－－？你無事返黎喇？！」蔣先生從內堂走出來、剛見著我便微開眼笑。 

「你去左咁耐，我不知幾擔心你阿。」雖然我知好無禮貌、但喘著氣的我實在答不話來，就唯有一手將蔣先生拉出殿外。 

「喂－－去邊阿？」 

「蔣先生，我無時間同你清楚說明事件既來龍去脈、麻煩你跟我跑去一個地方先！」 

一路無話、我無理會蔣先生的意願、同意與否，我就起勁的拖住蔣先生跑－－直到隔田村入口。 

因為蔣先生並非白家的人、亦無御守在身，所以憑佢單人即使走進出確既出口都無辦法觸發『界』。 

但只要由我抓住佢隻手、通過隔田村入口邊的一條小路－－『界』的另一個入口、就可以通過到返『界』外。 





才剛通人，熱鬧的人聲、車聲馬上襲來，和寧靜的『界內』形成強烈反差。 

望住人來人往既街道、不禁令我有一個懷念既感覺－－好似去左『界』入面幾年咁、大概就是有種『恍若隔世』的感覺吧。 

蔣先生經歷奇幻、不住令他早已包經風霜的老臉目瞪口呆、然後嘖嘖稱奇。 

「蔣先生，你已經成功返出黎，多謝你一路既關懷、我仲有事要做、唔送喇！」