娘親本來就怕日家九代單傳既我『娶唔入』,搞到絕左日家血脈。 

點知個仔無啦啦返到黎話幫佢搵左個新抱仔,喜上眉梢既娘親亦不求甚解、一於好好熱情招待。 

睇佢個款連煮餸都落力左,睇黎今晚又可以『擦餐勁』、大飽朵頤。 

屋入面有三個女人,一個煮緊餸、兩個就密密斟。 

該兩個--當然係我個妹同小白,當小白爆左句『我係阿壯既未婚妻』、我個衰妹就捉左佢入房。 





真係唔知佢想點、咁難得先有個共患難既女朋友,唔係咁大整蠱你大佬我下嘛? 

坐係梳化,望住關起既房門、我就忐忑到好似等緊老婆剛剛推左入產房分娩既準老竇咁。 

唔係仔好定女好,母子平安就夠…… 

屌!唔係阿,死女包、唔好亂講野呀千其! 

房門打開,兩人笑盈盈的走出來、我個妹塊面好似寫住『手術非常成功、係雙胞胎黎』咁款? 





「阿哥,還返你女朋友比你!」 

「SONY姊,我地得閒再傾!」我妹向小白單了一眼、小白亦還以微笑。 

喂!你兩個當我死架? 

一我個箭步,箝起我妹的頸:「死女包,有無講大佬壞話?」 

「梗係無啦,不過內容係女人間既秘密,唔、話、你、聽。」 





比著平時既我已經加緊力度,打算嚴刑迫供、但我妹這個鬼靈精眼神瞟向我身後的小白。 

「哼。」就放過你一次。 

「喂,日紫婷、有樣野想你幫手……」 

「一杯雙球『哈根大師』。」我妹斬釘截鐵。 

「你連聽都未聽我想做乜喎!」 

「反正都係想我幫你講好說話架啦!」 

自作聰明!我同小白不知感情幾好呀、洗你幫? 

雖然我係咁諗,但的確有件事要個衰女包幫手
「小白--欸、即係SONY呢,今晚開始……佢會係到住。」 





「下,咁--」 

「你聽埋我講先,多個人多雙筷姐、家用我會比多份,唔洗你操心。」 

「唔係阿,咁SONY姊屋企該邊點?」 

我靠緊老妹耳邊,說了句悄悄話:「其實我同佢既關係……」 

我諗左諗,點解釋好、同佢講我害死哂同小白有關既人? 

呃、想起來喉嚨就有種糊著的感種,好不舒服、害我清了一下喉頭…… 

「咳--係私奔,所以佢屋、可以唔諗住,同埋因為佢無帶行李出黎、你等陣可唔可以陪佢去買啲衫……」 





「哦,無問題丫--」老妹打算轉身就走。 

「頂,你係咪真係明架……?」 

「嗯?」 

「你--幫我帶佢去買啲……女人野阿。」 

「咩話?」 

「內衣果啲阿頂!」 

唔知係咪我激動得滯、大聲過頭,好似見到原本係房既小白裝左裝個頭出黎、又縮返入去。 

「哦,你講咪得囉、咁大個人。」老妹一副洋洋得意的壞相,肩撞了我肩兩下。 





「……仲有,想你比樣野我。」

吩咐過後,我則到廚房幫娘親烹煮今晚團年的晚宴。 

說晚宴亦不為過,因為今晚比平常的節慶夜飯食絕對豐盛十倍、大概是我平安回來還帶來了一個媳婦兒令孤苦養育我成人的老媽大感快慰吧。 

所以即使在數個火爐、燉盎下之間龍飛鳳舞、汗水淋漓,她仍是一副吃了蜜糖的臉、笑過不停。 

直到門聲再響,眼見我老妹笑瞇瞇的提著小白大包小包、又粉又藍的紙袋回來。 

本來也同被廚房『蒸』出一身汗的我,突然亦不知哪裡不對勁、竄出一抹寒意。 

「阿哥--比你。」老妹放了張紙到我台邊,就嘻嘻兩聲走了出廳。 





那是一張收據,一張單看過去不會輕易度量出有多少項物品的收據。 

收據內的項目數量或許不是重點,重點只需要看靠近最底的『總結』二字。 

--千七銀?!大姊你買乜春咁貴阿、食左我隻車呀? 

正當我追出廚房,打算揪住這個丫頭、大興問罪的時候,看到小白滿意以及純真的看著那新添的衣物。 

--好吧,就這一回讓你放肆一記吧。

** 

我媽輕輕的搭著小白膊頭:「係喇,我點叫你好?」 

「伯母,你叫我素妮啦。」 

「好、好。」 

那一刻,我有一種觸了剎那電的感覺、先是驚愕,後是溫暖。 

基於『白家的名字只有親人才可知曉』,想不到小白會自己說出名字來。 

但隨即想到,要是我媽也是小白的親人、也就無傷大雅了,大概小白也是這般的想法吧、令我心裡傳來陣陣的溫暖。 

一席團年飯、傾注的是關懷與溫柔,娘親並沒有絲毫介意小白的來歷或是雙眼的情況。 

只得一邊詢問小白的近況、家裡的情況,要是需要她出面的時間也儘管開聲即可。 

溫馨與歡樂的晚餐轉眼即過,收拾完碗筷後、娘親便回房間休息。 

「阿哥--SONY姊訓邊?」說罷,我妹就用相當厭惡的眼光對我瞇著眼。 

呃…… 

「我同阿壯訓得啦!」小白爽快回答。 

大概是早已在『界』中的我家裡試過一次吧,小白口裡毫不避嫌。 

雖然不知她在盤算什麼、但聽到這樣回答的老妹顯得十分失望、亦告詭計失敗。