✏️(結局篇已出書)陪朋友去自修室追女神，點知女神鍾意咗我【自修室】【補習社】【時光機】網店有售: 補習社篇 #13

Michelle望著我，深邃的眼裡沒有半點猶疑︰
「你要做我男朋友。」
我的腦袋轟的一聲炸開，耳朵燙得要命，氣管隨即被口水嗆到，咳過不停︰
「咳咳……你……咳……你講多次？」

...................................................................................
.
《自修室》小說2017年12月已登錄各大書店
. 新增特別篇及修改內容
.


....................................................................................

她斜視著我︰
「你又唔使咁開心嘅，都係做下樣啫。或者咁講，貴方要付出嘅係，你要扮我男朋友，而且要令阿堅同阿Bi完全相信。」
貴方是什麼鬼……雖然很想串她，但現在並不是在意旁枝末節的時候︰
「點……咳、點解？因為阿堅太煩？」

「阿堅係個好人嚟嘅……」
又一張好人卡。我開始同情阿堅，只聽Michelle嘆氣續道︰
「阿Bi呢個星期已經問咗我幾次覺得阿堅點，我同佢講咗好多次，我對男人冇興趣，亦都唔想拍拖，但佢完全唔信我。嗰日你MSN問我中意咩男仔，我相信都係佢嘅意思，係唔係？」



我無言聳聳肩，她又繼續說︰
「如果再係咁落去，我同阿Bi一定會感情破裂。我同佢由中一識到而家，我……佢對我好重要，我唔可以因為呢啲小事而失去呢個朋友。」
她一臉苦惱的樣子，不由得令我想起一年前的自己。

.

那時的我，曾經多次想證明自己不想跟阿堅爭，但友情還是一步一步走向破滅。
她趁早做了這個決定，大概比當初的我聰明。
「我明嘅，best friend係好重要……但係，你都唔使搵我扮架？你求其話自己外邊有男朋友拒絕阿堅咪得囉。」



她搖搖頭，美麗的側臉皺起了眉︰
「我試過啦，嗰次約佢兩個人去影印，就係想暗示佢聽，但佢……應該話佢堅持定進取好呢？總之，我要更加有說服力。我有諗過話自己同一個英知仔拍緊拖，但阿Bi日日夜夜都同我一齊，一定呃唔到佢。而佢份人又將所有嘢擺上臉，只要一個人知道係大話，件事就一定會穿。」

她的目光毫不退縮地望著我︰
「所以，一個佢哋見得到、真實存在嘅人係最方便。」
這次到我嘆氣︰
「但係阿堅會憎死我……」
「唔怕，我會話係我暗戀咗你好耐。」

.

我呆呆看著她臉不紅耳不赤地說出這種話，只覺得這個女人真是恐怖。
她的大腦把一切都視為手段嗎？感情什麼的根本不存在？



Michelle看出了我的遲疑︰
「放心喎，以你嘅條件，我點都唔會對你認真囉。應該話，就係知你夠安全，所以我先至揀中你做呢個角色。」
「你……覺得咁係讚緊我？」

「……嗯，上次同你一齊準備阿Bi嘅生日，我知你能力可以handle到呢件事。但如果你好唔想呃阿堅，頭先所有嘢你可以當冇聽過，包括華子昕嘅事。」
卑鄙，這根本是談條件啊。
我嚥了嚥口水︰
「你……肯定能夠拎到華小姐嘅聯絡方法？」

她輕輕把髮絲繞到耳後，自信一笑︰
「入去校務處偷都偷畀你。」
我深深吸一口氣，望向漆黑的夜空。
華小姐在照片裡純粹的笑臉，又在腦中浮現。
為了再見到那個笑容，也許，我願意與惡魔交易。



「既然係咁……OK，我哋成交。」

聽到我的話，Michelle竟馬上從書包的file裡拿出一式兩份的列印「合約」。一頁紙的合約上，甲方乙方寫著我們兩人的名字、義務、權利和條件。
她究竟是幾時準備的？難道今天來補習之前已經計算好這件事？
我越來越覺得Michelle可怕，隨便望了一眼就拿起筆簽約，並各自保管一份副本。

拿著這份合約回家時，我一心想著「很快就能再見到華小姐了」，興奮得差點在路上跳舞。
很久之後我才發現，這份看似小孩子過家家的簡單合約，竟可毀掉我所想像的美好未來。

.

Michelle非常有合約精神，當天晚上吃完晚飯之後，她就打電話跟我商討接下來的日程安排。
哪一天要有哪些身體接觸？
哪一天要說錯哪些話，裝作不經意地暴露我們的「關係」？
我們分別怎樣對阿堅和Abby交待？


哪一天才正正式式地公開「情侶關係」？
她全部都有計劃。

這個女人真係好恐怖好恐怖好恐怖，恐怖到必須說三次的程度。
她說，因為將來要讀Law，所以做到這種程度只是基本而已。
但千萬別以為她是一個很有正義感的人，她要讀Law只因那是文科生能夠達到的專業資格頂端。

我問︰
「咁點解你唔讀理科呢？以你成績實冇問題架，大學可以揀嘅專業科目好似多好多喎。」
她反過來教訓我︰
「人類係要過到今日先有將來嘅。理科班叻人太多，我讀理科冇辦法考到第一。但而家讀文科，可以考到全科第一拎埋全額獎助學金同生活費，咁畀你會點揀？」
「……我會揀自己中意嘅嘢囉。」
「食米唔知米貴嘅幸福細路，先會有咁多中意唔中意嘅啫。」

我頭都痛起來了。這個女人腦中除了手段和功利，究竟還有什麼啊？



.

根據Michelle大人的計劃，我們第一步要做的就是讓阿堅和Abby起疑。
所以由簽約第二天開始，她每次補習都坐到我旁邊，偶爾情深款款地凝望我，聊天的時候不停輕拍我的手臂，還總是湊過來看我的作業，有意無意地碰觸我的手。
就算明知一切都是做戲，有時我也忍不住臉紅，尤其是她當臉上酒窩深深地笑起來時。
我只得不斷提醒自己，她在這副好皮囊之下，靈魂究竟有多漆黑。

就算笑起來的時候再像，她的個性跟華小姐還是差了十萬九千里啊！
華小姐比她善良、可愛、純真多了！我只是為了找華小姐才會跟Michelle交易！
我不停在腦中重覆，好讓自己的心安穩下來。

.

不得不說，Michelle的計謀和演技都相當成功。
還不到一星期，Abby已經看出端倪，並不斷鼓勵我跟Michelle發展。
問題反而是阿堅，他望我的眼神越來越陰沉，而看著Michelle的神情則越來越壓抑。
我心中一緊，預感歷史又要重演。

.
by又曦
like Page追看最新章節︰http://bit.ly/2jHymHF