✏️(結局篇已出書)陪朋友去自修室追女神，點知女神鍾意咗我【自修室】【補習社】【時光機】網店有售: 補習社篇 #15

Michelle的聲音無比自信︰
「黃子華話，男人點中意一個女仔都唔會織冷衫畀佢架。如果你特登走去學再織畀我，我肯定勁感動，然後就放棄晒啲原則即時同你一齊……一於咁話！」
「痴線！織你個頭咩？你想織咪自己織飽佢囉。」

我正想掛線，她突然說︰
「呀，爭啲唔記得講。我今日同幾個理科班女仔傾過，佢哋好似知道華子昕而家喺美國嘅……」
「喺美國邊度？！」
「唔……邊度呢？好似係東岸嘅，但突然間唔記得咗添。」

...................................................................................


.《自修室》小說2017年12月已登錄各大書店
. 全新特別篇及修改內容
.
....................................................................................

又耍手段啊這女人！我忍住心中的焦躁︰
「就算你咁講，我都唔會突然間識得織冷衫架？」
她「嘻」地恥笑一聲︰
「你真係……唔識織可以去買架嘛，叫冷衫舖啲姐姐幫你織咪得。」



「咦？有呢啲服務……？」
「Certainly！好，咁你今個星期買好件冷衫……都係唔好，冷衫太誇張，就冷頸巾啦。之後你包好份禮物，下星期一唔覺意畀佢哋見到，星期二我就戴上身，然後星期三去補習社畀佢哋見到拖手，再公開關係。順帶一提，我中意嘅顏色係淺灰色喎！」
Michelle說得興致勃勃，理所當然得就像在討論煮公仔麵的步驟。
我卻聽得全身冒汗，尤其是想像到我們拖手的畫面時。

雖然一開始就敲定了我跟她「拍拖」的劇本，但當事情來到眼前，果然還是很尷尬啊。
仔細一想，星期三的拖手只是個開始而已；此後，我們就非得每天以情侶身份出現在Abby和阿堅面前。
以她這種性格，為了要取信於人前，我們究竟要做到哪種地步？

雖說是為了找到華小姐這個「終極目標」，但這種「手段」真的是對的嗎？



.

沒想到我的擔憂是多餘的。
因為周未還沒到，冷頸巾還沒買，阿堅已經快速出手打亂了我們的大計。

那天是星期五，阿堅由前往補習社的路上就一直怪怪的，時而臉紅耳赤，時而喃喃自語，動作扭扭抳抳，不知道在緊張什麼。
然後就在補習開始前，他乘著兩個女孩放低書包去洗手間的機會，叫我去講台拿4人份的notes，然後悄悄把什麼東西放進Michelle的書包裡。
這一切，我全都看在眼裡，但都沒有說破。

到Michelle回來之後打開書包看到裡面的東西，她的肩膀明顯縮了一下，然後裝作若無其事。
阿堅斜著眼偷瞄她，整個臉通紅起來。
Abby則用懷疑的眼神向他們掃射，也不知她有沒有窺見書包裡的東西。

看著他們三個，我覺得自己就像恐怖片的主角，周圍每個地方都鬼影幢幢，殺人魔彷彿會從任何角落裡跳出來。


而且，身邊的豬隊友還對眼前的危機懵然不知。

.

一直到吃完東西在車站道別，Michelle都沒跟我提過書包中那東西。
我心中焦急，但擔心她還跟Abby在一起又不敢打給她，便在MSN叫她回家馬上通知我。
結果在電腦前等了一晚，還是沒看到她上線。

十點過後，我終於忍不住打給她，沒想到她的聲音卻平靜得出奇︰
「搵我咩事？」
「乜你、你咁冷靜嘅？阿堅唔係放咗啲嘢入你書包咩？」
「咦？你見到？」

「我梗見到啦。我懷疑Abby可能都望到添呀！」
「應該唔會嘅，我哋頭先仲傾得好開心嚟。」


「咁阿堅到底畀咗咩你？」
「嗯……」

她沉吟半晌，才故作平淡︰
「其實都冇乜嘢嘅……應該算係，情信？」
「吓？信？手寫？」
「嗯……手字寫得幾靚添。佢係咪有練開書法？」
「唔好理啲字住！內容呢？」

電話對面傳來翻開紙張的沙沙聲︰
「嗯，我唔太方便講……總之都係嗰啲啦……不過佢約我聽日補習前喺公園單獨見面，話有嘢想同我講。」

.

聽到Michelle的話，去年夏天在公園的記憶倏地在腦中爆裂，頭也跟著痛了起來，不祥的預感如打翻的墨水在胸中擴散。


像阿堅這麼不懂變通的人，只怕約Michelle去公園又想表白吧？
我嘆了一口氣︰
「咁你諗住點？」

她疑惑︰
「有咩點？咪去囉。」
「吓？你有冇諗過去到會發生乜事？」
「去到我咪同佢講清楚囉，完。」

「……邊有咁容易呀？」
「嗯？如果唔係應該點？」
「唔好去囉！畀你放完飛機佢都明乜事啦。」
「如果佢再繼續約呢？」
「咪再繼續放飛機囉！總之唔好同佢單獨見面就一定最安全！」



她失笑︰
「你做咩講到佢好似會非禮我咁？你係人哋好兄弟嚟架。」
「唔係呀……咁……以防萬一呀嘛。」
「其實你係咪忘記咗仲有Abby？咁拖落去只會越來越衰。不如趁人少少同佢講清楚，之後就唔使煩啦。」

我有點動氣︰
「就係因為阿Bi我先咁講。我哋一早plan好晒架嘛，下星期都開始扮拍拖喇，到時佢自然會死心啦。何必喺呢個時候節外生枝？」
「我唔係咁諗喎。總之，阿堅嗰部份我自己搞掂，你記得去買條頸巾就得啦。記住呀，係淺灰色。」
「得啦，長氣！」

Michelle完全不聽人勸，我唯有試圖找阿堅一起吃早餐化解危機，卻理所當然地被拒絕了。
其實阿堅要自殺表白、Michelle要派好人卡又不關我的事，我也不懂自己為什麼如此緊張。
但可能是心理陰影吧，一想到他們在公園又總放心不下……
在床上輾轉反側半晚後，我決定早點起床，跟著他們一起去公園。

.

昨晚在電話裡Michelle曾提過時間地點，所以我沒通知她，直接就跑到公園角落躲起來。
公園就在補習社不遠處，依山而建，沿著樓梯往上走會有不同的設施。
他們約定的地方在中層觀景台，於是我就預先跑到上一層，坐在欄杆上居高臨下觀察。

Michelle提早15分鐘來到，環視一圈發現阿堅還沒到，竟乾脆拿出生字卡來背生字。這女人神經也太大條了吧？
我突然心中一動︰如果我現在下去拉她走的話，這場戲就完場了吧？
正跑下樓梯時，一個意想不到的人影比我早一步登上觀景台，平常可愛的高音變成冷笑︰
「嘿，阿Mi……真係估唔到喎，原來你係呢種人。」
 
.
by又曦
like Page追看最新章節︰http://bit.ly/2jHymHF