✏️(結局篇已出書)陪朋友去自修室追女神，點知女神鍾意咗我【自修室】【補習社】【時光機】網店有售: 時光機篇 #07
《時光機》現已出版，網店發售
實體書購買︰https://morningrays.boutir.com/
Patreon訂閱初稿連特別篇︰http://bit.ly/39Ab0N3
．作者FB︰http://bit.ly/2jHymHF
．作者IG︰http://bit.ly/2rxGoFA
///////////
#07
．作者FB︰http://bit.ly/2jHymHF
．作者IG︰http://bit.ly/2rxGoFA
「都係等我嚟問啦！我相信大家想知嘅係……助理小姐有冇男朋友先？」
全桌人同聲沉默，目不轉睛地盯著華小姐。
「咦？呃……呃……」
華小姐滿臉通紅，左右張望想求救。歐陽會意，正想幫她解圍，肥強馬上截住︰
「教授請等等！呢個問題我希望阿Yan小姐自己答，唔係我哋全lab男仔都唔會死心架！」
「okok……Sure！」
歐陽向華小姐聳聳肩，華小姐無耐地側著頭︰
「我……呃……有……？」
咚！
我的橫膈膜開了個洞，心臟瞬間直墜冰層。
「哎呀！咁係咪prof. Au-Yang先？係嘅話，我哋全lab心服口服！」肥強。
誰授權你代我心服口服了！
歐陽跟華小姐對望一眼，饒有深意地淫笑起來。只見華小姐的臉紅得像蘋果︰
「……係……物理學……」
「頂——！」眾人一致地從心底咆哮，這藉口實在找得太差了！
肥強撞我一下︰
「阿翔，你滿唔滿意呢個答案？」
「唔，我認為最少要係人類同埋男性，先至符合男朋友嘅定義……」
說到一半，我才發現華小姐以目露凶光瞪住我，連忙閉嘴。
肥強卻狡猾一笑，進一步騷擾華小姐︰
「冇錯，我哋全部都係咁諗！阿Yan唔好逃避問題，大家都想追尋科學嘅真理……」
「呃，不如……」
我正想阻止肥強，歐陽卻比我早一步站起來︰
「啊就大家放心，仲有一個學期時間可以同大家一齊玩一齊學習。好膠興你哋咁歡迎我同子奀，大家再飲杯！」
教授發話，眾色狼自然收心養性。
華小姐仰望著他，臉上再次泛起那安心的笑容。他們之間，有著我難以介入的默契。
我看在眼內，連喝進嘴裡的可樂都苦過廿四味。
從沒想過即使身處同一張飯桌，竟也無法拉近我和華小姐的距離。
回到研究室，我遙望她拍打鍵盤的側臉，想來想去都不明白，阻隔開我們的究竟是什麼？時間？空間？維度？……還是，那個明顯比我出息太多的男人？
如果我把那封me2信拿出來跟她對質，能增加一丁點好感度嗎？
正想著，突然有人輕拍我的肩︰
「阿翔，震間放鶴，一齊去飲杯嘢好嗎？」
歐陽的笑容太溫柔，我不禁心中發寒。
我本以為歐陽來約我只是警告我不要再盯住華小姐看，沒想到下午五、六點，他竟真的走過來︰
「啊我OK囉，去邊度好？」
「呃……不如叫埋華……阿昕？」
「啊佢今晚返去屋企吃飯，頭先已經走咗囉。」
「呃……咁……不如，叫埋啲同學……」
「但係，今晚我想單獨同你傾下解喔。」
他笑得太溫柔太燦爛，我不由自主地收緊肌肉。
難、難難難道我一直沒google到女友的原因是這樣？
然後我還問他有沒有女朋友，於是他就以為我……我……
我對男人完全一微米一納米的興趣都沒有啊！
但他始終是老闆，我只能硬著頭皮、冒著被性騷擾的風險跟他一起走去學校附近的酒吧。
我充滿戒心，他卻邊剝著花生邊侃侃而談，由夸克的量子糾纏一直說到小時候在內布拉斯加州抓螢火蟲的故事。
我完全猜不透這個人，直至酒過三巡，他的眼神帶著莫名的笑意︰
「啊阿翔……你……械研究室，好似扮到胡識子奀咁，點解呢？」
「呃……我唔知佢想唔想俾其他人知道我哋識得……我……未有機會問佢啫……」
他點點頭︰
「你中學時，已經識得子奀？」
「係呀，有段時間我哋都……幾熟。」
「哦，你哋械同班同學喔？」
「阿昕冇同你講？佢中學讀嘅係女校，上次見到嘅Michelle先係佢同學，我唔係啦。」
「啊我明白囉！因為Michelle械你女朋友，所以你認識咗子奀？」
「唔係啦，我識阿昕在先，Michelle亦都唔係我女朋友。」
歐陽眼中閃過一絲光芒︰
「啊咁你哋點識得喔？因為物理學？」
「呃，點講呢……因為我哋一齊去自修室溫書……大概係咁……反正我哋識咗好耐，嗰時真係好熟架！成日一齊玩，又一齊慶祝十七歲生日……」
說著說著，我發現自己不由自主地開始說謊。那個十七歲生日，根本是阿堅幫華小姐慶祝的，我只敢躲在背後做影子人。
假如華小姐曾跟他提起過這件事，他必定會看扁我只不過是在單戀。
我決定轉守為攻︰
「……總之，只係咁多年冇見就、就有啲生疏咗啫……咁你呢？阿昕同你讀同一個department？你係佢師兄？」
他氣定神閒一笑︰
「啊其實就……我建議佢考過來喔。」
「吓？你指研究院定係？」
他擺擺手︰
「沒有沒有……考大學喔。」
「吓……？」
中五時，華小姐申請了美國的獎學金，假如會考成績好，她就會去美國讀大學。
但當時的我們因為一些無聊事吵架，她還沒來得及跟我說這件事，就跑了去美國。因為這樣，我們才會分隔7年。
後來Michelle幫我打聽到，華小姐不滿意在美國考到的第一間大學，第二年又重考一次。
我在腦中整理了一下歷史︰
「即係，佢重考MIT嗰次，你幫佢補習？」
「都械啦，同埋更加耐之前都械。」
他呷了一口啤酒，臉露勝利者微笑。我更混亂︰
「你意思係，佢第一次考美國大學時，你已經幫緊佢補習？」
他搖頭嘲笑我的天真︰
「佢械香港讀書嘅時候，我已經同佢講，以佢嘅資質應該過嚟讀，仲搵咗適合佢嘅獎學金叫佢申請……計起來，可能我仲比你哋早少少認識子奀喔。」
「呃……？」
隨著轟轟轟的音效聲，我眼睜睜看著眼前這個笑容可掬的NPC，搖身一變終極地下城大Boss︰
「啊就大概……佢十四歲嘅時候吧。」
他咧嘴一笑，露出獠牙。
.
by又曦
《時光機》現已出版，網店發售
實體書購買︰https://morningrays.boutir.com/
Patreon訂閱初稿連特別篇︰http://bit.ly/39Ab0N3
*【時光機】由作者自資出版，外邊書店沒得買
你購書支持，將令我不必再苦練光合作用維生~衷心感謝
．作者FB︰http://bit.ly/2jHymHF
．作者IG︰[url=http://bit.ly/2rxGoFA%5b/url]http://bit.ly/2rxGoFA[/url]