寫一首情詩畀暗戀女仔，點知佢出返條謎題畀我.....【各大書局上架】: 第七章

「咁點算呀？」我不知所措地問。
 
 
「一係你聽日先畀佢囉。」大佬花說。
 
 
「唔得呀，生日係要當日慶祝先會記得架嘛，補祝已經無任何意義！」我說。
 
 
最重要的是，我想在當日親手送上生日禮物。


 
 
我想看到小藍收到禮物的樣子。
 
 
「但係......我地真係食完啦喎......」
 
 
「一係......大佬花，你可唔可以畀小藍個地址我？」
 


 
小藍所住那一區，不是我會想到的地方，應該說我也是第一次來這裡附近。
 
 
四周閒靜得很，仿佛沒有人煙。
 
 
我望著小藍住的單位，望了差不多三十分鐘。
 
 


是的，我就這樣呆等三十分鐘。
 
 
你問我為什麼？
 
 
喂，緊張嘛大佬，真的好緊張。
 
 
連手也有點抖震。
 
 
我吸氣，再呼氣。
 
 


一想到小藍就在樓上，穿著睡衣的樣子，在家閒逛的樣子，我就感到這個地方莫名奇妙的神聖。
 
 
媽呀，我真的有點毒。
 
 
我提起電話，撥出早在六十分鐘前我已背得滾瓜爛熟的號碼。
 
 
「啫.......啫啫。啫.......啫啫。」愛因斯坦說時間是相對，我想這一刻電話的接駁聲對我而言就是永遠。
 
 
我的心跳得很快！
 
 


「啫......喂？」一把好聽的女聲終於出現！！
 
 
我趕緊說：「喂！？」
 
 
「喂？」
 
 
「喂？」
 
 
「請問搵邊位？」
 
 


「呃係喎，我搵妳呀，我係阿奶。」
 
 
「阿奶？你點解會打過嚟嘅？」
 
 
「無呀，我想祝妳......生日快樂！福如東海，永結同心！」
 
 
「哈哈好奇怪呀你講嘅祝賀語，不過.....多謝。」
 
 
我的耳朵快甜得漏蜜糖了！
 
 


「呃，妳呢.....」
 
 
「食咗啦。」
 
 
「妳沖咗涼未？」
 
 
「沖咗啦。」
 
 
「喔......咁咁妳做咗功課未？」
 
 
媽呀，周乃生你到底是不是男人？快開口說呀！
 
 
說呀！！
 
 
「我差數學未做完。」
 
 
「喔......我一樣都未做完呀。」
 
 
「你好曵呀！」
 
 
周乃生我倒數一二三你好說出來！
 
 
一.....二......三！
 
 
「係呀，所以我要做功課啦拜拜！」說畢我馬上收線，連她說拜拜的機會也沒有。
 
 
算吧，我明天才送給她。
 
 
我正想離開時，腦海又有一把聲音說：「你唔係嘛？實後悔架啵。」
 
 
我重新撥了電話，當小藍一接到時，我馬上連珠炮發地說：「小藍對唔住其實我而家係妳屋企樓下妳可唔可以落一落嚟樓下我有啲野想畀妳呀！」
 
 
呼，我說出來了！Yeah！！！！！！！
 
 
對面沉默片刻，然後才有一把雄渾有力的男聲說：「......咳......我係佢老豆......」
 
 
 
喔噢......
 
 
 
 
 
雲也隨之。