香港係一個福地,唔會有龍卷風、落雪、海嘯等出現。所以,抽中做香港人真係好好運。
.
但係,你唔會估到香港將會面臨d咩。
.
我係阿盈,一個中二嘅女同學,我從來都無諗過,係香港會發生d咁嘅事。
.
我係天水圍某一間中學讀書,係學校裏面,我無學霸、學神咁勁,但係又未至於係學渣。
.
直到有一日,我好似平時咁行番屋企。落左小巴之後,我發覺好似有人跟蹤緊我,仲要係兩個人。我唔識佢地,更唔知佢地想點,我淨係想快d番到屋企。
.




突然,有樣硬物打中左我個頭,我當場暈左,我feel到我好似流緊血…
.
我感覺到我比人帶左上車,我部電話亦都響過(我較左震機)。究竟佢地想帶我去邊?
.
過左一陣,我慢慢醒過黎。我訓左係一張手術床上面,個頭好痛,同埋好似有d野包住我個頭,我想伸手去摸下我個頭,但係發現我隻手扣住。突然,門外有腳步聲,我即刻合埋隻眼。
.
我偷偷開左一隻眼,見到一男一女,我認得個男嘅係頭先跟蹤我嘅其中一個人。佢地背住我。
.
'叫你帶佢番黎姐,你打到佢流曬血,想佢死咩!我地仲要佢幫手嫁!'個女嘅講。聽落,個女嘅係大佬。
.




幫手?我區區一個中學生,一個普通人,可以點幫佢地呢?
.
我究竟應唔應該起身?
已有 0 人追稿