當年我曾經追到一位女神,但我竟然飛左佢。: 第六節:甜蜜

隔左一個星期之後,終於到左聖誕節正日

我一早起左身梳洗,簡一套令衫,jer個令頭

整整下唔經唔覺就到左黃昏。

我著好衫,帶埋手襪,準備出門口。

「對手襪咁令既,女朋友仔整架?」母親大人問我



「係呀,聖誕禮物黎架！」我答番母親

「幾時帶佢黎屋企玩阿,我個仔咁怕羞佢都接受到,真係想見下佢真人。」母親講笑咁講

「總有機會既」我hea答母親

「唔好咁夜番啦,小心睇車阿」

母親用平時每個阿媽最常講既野同我講bye bye



我地今日行程先去旺角食晚餐,再去尖沙咀鐘樓影相行下。

我地約左係旺角地鐵站a出口等

檸檬同我住得比較近

所以我地約左係東鐵線大埔站等

「我到左啦七號月台等啦😚」檸檬whatsapp我講



「就入閘等等:)」我都加個表情覆番佢

搭電梯上到月台,我已經見到遠處既檸檬

黑色上衣再配上灰色裙再加上黑色絲襪,最重要既係佢戴左我條白色頸巾

簡直係完美

「咁早到既檸檬,好彩我平時都會早到。」我拍下佢膊頭

檸檬好似一早注意到我咁

「係呀,我一向都會早到十五分鐘,廢事要你等」檸檬話

「妳今日著得好令喎,完全同著校服個LOOK唔同哂。」我同檸檬講



「你鍾意就好啦,你今日都唔差阿,同我一樣黑衫,黑褲。」檸檬尷尬咁講

「唔係點顯得出我地係一對恩愛既小情侶」我摸住檸檬個頭講

列車即將到站,請勿超越黃線,多謝合作

列車到站之後,我就拖住檸檬隻手步入車箱

依次係我同檸檬之間第一次出街,甚至可以話係約會。



【妳仲記得我第一次拖住妳隻手既感覺嗎?】