當年我曾經追到一位女神,但我竟然飛左佢。: 外篇:阿彤

仲好記得係小三至小六都有唔同性格既男仔追求我。

但係我覺得小學時期拍拖係一件絕對唔多久既事。

大家心智未成熟,為拍拖而拍拖,當然上左中學都有機會係。

但係小學時期諗野比較單純,男既見女令女就鍾意,女既見男型仔既就鍾意。

完全無感情可言,一段愛情無感情點稱得上係愛情。



「其實妳眼光會唔會太高呢?個男仔其實幾型運動又得讀書又係全級20名」小六時期既阿敏問我

「妳唔明架啦,妳又唔熟人唔知佢既性格係點，唔清楚一個人就愛佢實在太蠢」我答番佢

「講到咁深奧我點會明呀...」阿敏擺出思考既姿勢

臨小六畢業之前阿敏同我講番

阿彤妳講得岩,原來之前我話運動讀書勁同幾型既男仔



原來佢好花心架,我有個朋友岩岩比佢飛左,原因係佢鍾意左另一個女仔。唉

阿敏好失望咁講

「睇黎妳曾經都好鍾意過佢喎」我同番阿敏講

「係就係但係我我咁既樣點識到人,邊似得妳美貌如花」阿敏非常羨慕我

「其實妳性格好好,妳願意幫人又有義氣,總有一日會有得睇得到」我安慰番阿敏



「係就好啦,邊會有男仔睇得上我,不過多謝妳阿彤」阿敏笑番

依段小學時間完全無遺憾,升左上中學又會有啲咩事等緊我呢?




【愛情係雙方互相了解先可以持續】