自從自我介紹個件事之後,阿東都好少同我講野,唔知係怕羞都咩。

好多時我問阿東野佢都係答一句就算,但後來聽阿禧講原因佢真係好怕羞。

阿禧仲叫我主動啲同佢傾計同留意下佢鐘意咩,咁我留意左幾個星期,發現佢每餐lunch都係食餐蛋麵,小息時間就留係位睇書。

有一次我,阿敏,阿禧同阿東四個人去食lunch,但阿東有功課問所以遲黎。

阿禧就叫我襯依個機會幫佢落單叫餐蛋麵,果然佢黎到問邊個幫佢叫埋野食咁了解佢。



當佢知道係我既時候我諗住佢會問我點知佢鐘意食咩而打開話題,點知佢淨係講左句唔該。

臨行番學既時候,阿禧話有野買就拉走左阿敏,我睇得出阿禧想比機會我同阿東單獨相處。

我決定要主動啲引佢講多啲野,正當我想開口既時候,阿東搶先過我問

「其實識左妳幾個月,都未知妳既花名同興趣喎。」

我諗左諗決定就答番佢



「花名,唔.......不如得妳同我個時叫我做檸檬,興趣係睇書」

檸檬依個名有個深層既意思係裏面,我心諗

「檸檬,檸檬,都幾順口,我會記住架啦!!」阿東講

我仲諗住阿東會問我檸檬點解,算啦起碼佢終於肯主動同我講野。

我決定更加大膽咁問佢一樣野,



「就黎聖誕節不如一齊出去玩下,我估妳都無約人架啦!」

佢諗左陣先答我,「當然無問題啦,難得有人約我」

我捉起佢隻手正想同佢勾手指尾既時候,阿東竟然怕羞到縮番埋隻手。

我同佢解釋番我想同佢勾手指尾,等佢無得反口。

佢最好快咁伸番隻手出黎同我勾。

阿東真係好單純怕羞,但我竟然慢慢鐘意左佢,我唔知佢對我有無感覺。

希望佢可以放膽咁表達自己諗咩,比個訊息我等我知阿東諗咩




=19.5px注意!!!!!!!!!注意!!!!!!!!!!!!!!!!!

=19.5px《小型投票,比咁多位讀者選擇男主最後追番阿彤定繼續同阿靜拍拖,可以係紙言/連登留低你地既意願,多個二十個人就簡多人個邊繼續故事!!!》

今日下晏3點半截數