《為了妳，我成為了一個仆街》: 《第五章 第一次約會》

到了星期六，我8：00就起了床。因為我總覺得怎可以叫一個女仔等我呢？


說來我也沒想到原來我可以突破放假中午12：00前起床的習慣，我昨天還是興奮得睡不著。
 

我到了圖書館的自修室，找了一個角落前一個位置坐下。
 

在等待的時候當然是看看四周的清純少女。我終於明白為何留名經常在放學都說要去自修室温習了，原來醉翁之意不在酒。


 

但即使這些女子何其美麗，都不能吸引我多看一眼，因為我心中已有阿瑩。
 

「咁早既。」一把溫柔既聲線傳來。
 

原來係阿瑩。
 



「早左醒姐。」我報以微笑。
 

「睇靚女咋。」阿瑩笑說。
 

「我......我冇呀!」我立刻搖搖頭，但好像有點大聲。
 



「同學請安靜啲。」管理員嚴肅地說。
 

「Sor..... sorry 」阿瑩立即道歉。
 

就像兒子做錯事，母親道歉似的。
 

你當我是兒子嗎？
 

阿瑩今天穿了一件淺藍色恤衫，把杉䄂摺起了，然後穿了一條黑色短褲露出了白滑的雙腿。叫我如何好好教學呀。
 



心跳又加速起來。
 

這也是我第一次看阿瑩穿校服以外的衣服。
 

「望夠未阿鄉下仔。」阿瑩面紅起來。
 

「咁靚緊係要望耐啲啦。」我笑說。
 

「口花花啦你!」阿瑩有點難為情。
 



接著我們便開始了温書的一天。
 

到了中午。
 

「係呢你食野未呀？」阿瑩微笑問。
 

「你食我咪食囉。」
 

難道你想一齊食？
 



「我屋企煮左飯，你唔係想上我......屋企食呀？！」
 

為什麼個我字拉長了，是幻聽？
 

「咁，我都返......自己屋企食啦。」我用相同的語氣說
 

「咁一齊行啦。」阿瑩說。
 

在走出圖書館的路徑，我們並肩而行，我和阿瑩的手就只有3厘米，不時也會碰到，阿瑩的臉也有點紅起來，不知是天氣太熱，還是與我接觸的關係呢?
 



到吃完飯回來時，我們原先的位置旁多了一個身穿T恤熱褲，皮膚比阿瑩沉實的女仔。
 

她是和我同班的羅絲敏，她正與阿瑩談天，好似傾得很開心。
 

「傾野啲咩呀？」我上前問。
 

「關你咩事呀？」阿瑩淘氣地說。
 

「討論我緊係關我事啦。」我隨便說說。
 

她們都臉紅起來。
 

難道我說中了嗎？
 

「阿傑呀，小敏有啲數學都唔係好識呀，可唔可以順便教埋佢呀?」阿瑩用那雙充滿湖水的眼睛凝視著我，真是太美麗了。
 

「好......好囉」
 

阿瑩的請求我又怎好意思拒絕，但是我比較想和阿瑩二人世界。
 

說來為什麼突然出現了一個小敏。我真摸不著頭腦，真是巧合嗎？
 

接著就是一輪教學的對答，我也開始有點累。
 

到了下午四時十分。
 

「我有啲攰啦，今日唔該晒，阿......阿傑。」小敏望著我說
 

「哦，唔洗。」
 

「咁我走先啦，再見。」小敏微微一笑然後轉身走了
 

「再見，小敏。」我不小心用了和阿瑩對著羅絲敏一樣的別名。
 

我也立刻知道說錯了話。真想找個洞穴鑽進去。
 

「你曳啦，叫人叫得咁親切。」阿瑩用手碰碰我的手臂笑說。
 

「口快快姐。」我以笑遮醜, 臉紅起來。
 

阿瑩用疑惑既目光看著我。
 

「係呢你攰唔攰呀，不如出去透透氣啦。」我想轉移話題。
 

「係咪鐘意人呀，我幫你話佢知啦。」
 

「都話唔小心。」
 

「其實我鐘意既係......」
 

這時阿瑩的頭向我挨近，顯得很想知道似的。
 

「係......唔話你知呀。」難度我話我鐘意妳咩。
 

「快啲講啦！」阿瑩扯住我既杉角左右搖動。
 

事實上，我享受緊同阿瑩之間既互動。
 

經過多次追問，阿瑩終於放棄左，為左同阿瑩有更多教學以外既交流，我決定要轉換一下場地。
 

「有冇興趣出去透透氣呀？」我問
 

「都好呀，我都開始有啲攰。」阿瑩伸一伸懶腰。
 

這時阿瑩的身體緊貼著衣服，露出迷人既線條。我不禁望左眼。
 

「望咩嘢呀咸濕仔!」阿瑩立即扮嬲。
 

「sor......sorry囉，唔小心望左眼姐。」
 

「真係？」阿瑩用疑惑既眼神望住我。
 

「真呀，最多我請你食野補番數啦。」 
 

「唔......算你啦。」阿瑩回復笑容。
 

接著，我們便出咗去食嘢。
 

我哋走左去一個商場的麵鋪食麵。
 

「係呢，你有冇鐘意既人呀？」阿瑩又問。
 

點解又要講番依個話題......，我明明已經刻意避開，唔通......阿瑩其實都鐘意我，想探探我口風。唔得，追女仔切忌有自信。
 

「有呀。」我嘗試好淡定咁回答。
 

「係邊個呀？我識唔識架？我哋班既？」
 

「都......係我哋班既。」
 

「係邊個姐，講啦！」阿瑩表現得好興奮，如果佢鐘意我既話唔係應該緊張面紅先啱咩？
 

「唔話你知喎。」
 

「阿明欣？李樂怡？張梓柔？......」
 

阿瑩差不多問哂所有同班女同學，但我都一一否認，只剩下阿瑩，阿瑩都好似意識到，所以都唔再追問，面也同時紅了。
 

「唔講就算。」
 

接著我們回到圖書館温習，直到五點，阿瑩話今日温住咁多先，我同佢一齊走，走到路口。
 

「我行依邊呀,拜拜。」阿瑩向我揮揮手就走左。
 

我反應不來，只係微笑說句再見就算，我一路回家......係喎，我應該送佢返屋企先啱，咁先顯得有風度。我即刻開WhatsApp補飛
 

我：「sorry呀唔記得左送你返屋企，你返到屋企就話聲我知啦，一個女仔返屋企始終有啲危險。」
 

一個女仔返屋企始終有啲危險。其實香港好安全，重要只係五點，我都唔知點解會咁打，但一切都已經太遲。唉......
 

過左10分鐘，阿瑩終於回覆
 

阿瑩：「我返左屋企啦(馬騮遮眼表情)」
 

唉，心諗真係柒，但阿瑩又好似幾受落，定其實恥笑緊我呢？