一個人始終是一個人,是改變不了的: 七.假期-單
之後的那天,我終於鼓起勇氣,約會阿儀。
「阿儀,聽日你得唔得閒呀?我想約你出去。」上午11:32
但她遲遲都未覆,是不是其實她對我只是對朋友一樣呢?
這天,我全日都呆在家𥚃,沒事做。
「叮!」手機的鈴聲響起來,我立刻看,只不過是遊戲的通知,現在有某個關卡打。
但我都沒動力去打,我好累,心好累。
「你阿媽搵你,你阿爸搵你,你阿妹搵你,你家姐搵你,你......」手機的鈴聲響起來,而這次並不是信息通知,而是有人打給我。
「51882347。」我口中碎碎念,這個電話毫無印象,但我也照接聽。
「喂,請問搵邊位?」我說。
「唔該我想搵余謙朗。」對面傳來一把男人聲。
「我係,你係邊個?」我答。
「阿信啊!王振信啊!你唔認到我把聲啊?有冇搞錯啊!」阿信非常憤怒,皆因我們是知心好友,而我第二個朋友是他。
但說真的,我真的是認不到他的聲音。
「唔好意思囉!點呀?搵我做咩呀L樣?!」對好好朋友說粗口是正常的。
「無,想問你條柒頭家陣得唔得閒啫。」他也對我個粗口,說明我們真的好好朋友。
「得呀,做咩呀?」我答。
「出唔出黎打個籃球呀?」他問。
「可以係可以,但我仲未搞好去韓國交流團啲嘢喎。」我答
「我都未搞好啦!無問題啦!仲有成三日。我屋企樓下個籃球想等啊。」他也是去韓國交流團,而且他甚麼都拖到最後一日才做,是正宗的死線戰士。說完他就掛了。
過了15分鐘,我到了籃球場。那裡比想像中多人,應該現在有很多人都可以放假。
「喂,今日唔駛配女咩?」阿信說。
「我都想阿儀係我條女,但我唔知佢點諗。而且我又搵佢唔到。」我垂頭喪氣地說。
「佢明顯對你有意思啦!表左白未呀?」阿信問。
「我怕表完白朋友都做唔成呀!」我答。
「加油啦!唔講咁多喇!打波啦!」阿信說完就去了打波。
皆因只有我們兩個打籃球,所以我們射了一會兒籃球就跟其他人一起打比賽。
我和阿信分到了不同組別。我的籃球技術很好,但因為我遇著一些「雷友」,所以我回歸了成一個「自私」。
可惜最後還是以15-6輸了,我非常失落和討厭那群「雷友」。
之後我心情極度非常差,和阿信一起去吃午餐。
「唔好咁傷心啦!你同佢地冇默契啫!」阿信鼓勵我,希望我不要傷心。
吃飯途中,手機傳來了一則訊息,是來自於阿儀的!我頓時開朗起來,面露喜色!
「我聽日唔得呀,不如後日吖?我後日得啊。」下午1:35
「嗯。上晝十點,你屋企樓下等,ok?」下午✔️✔️1:36
「ok」下午1:37
和阿儀whatsapp完之後,我立刻再次埋頭吃我的午餐。
「點呀?你條女呀?」阿信問。
「都話左唔係我條女落,不過應該快架喇!」我洋洋得意,打從心裏笑了出來!
「咁恭喜晒喎!飲嗰陣記得預埋我喎!」
「嗯!一定!」我大力地點了點頭。
回到家之後,我立刻開心地連跳了幾下!一邊笑一邊跳。而且還唱出多首我心愛的歌曲!
然後我就計劃後天與阿儀首次約會的行程。
上午十點。我想了一陣子,可以先去吃個早餐,還是不了,先四處走走。
之後就去抹茶館吃午餐,我記得阿儀是很喜歡抹茶,而且還喜歡韓食,抹茶館可以一次滿足阿儀兩個願望。
再之後就去冒險樂園玩。
晚上可以先去吃個晚飯,然後就去看電影。
就完了。我心中覺得這個計劃非常完美。
第二天,我就獨自一個去準備去韓國交流團要準備的東西。䁔包,衣服,外套,小樽以盛裝洗頭水和沐浴露。大致上都完成了。
然之後就是期待明天的約會!