廢柴小說: 25

早上八點半，手機鬧鐘準時響起。
我沒想過文雀的生活是那麼規律的，基本都是朝九晚三的，
當然我的晚三指的是下午三點鐘，比一般上班族好多了，
至少下班不用擠地鐵，而且永遠沒有OT。

明天就是星期六了，可以放假休息。
說出這種話來，我有點看不起自己，
我又按照一般人的道路軌跡。
幸好，我現在是個賊，還是跟別人不一樣。



屌….好痛…我低頭看著自己碌尻。
小便比昨天還痛，應該是尿道發炎了吧，
收工去看醫生吧。

梳洗好後，我就下樓去茶餐廳，跟侏儒兄會合。

侏儒兄早已到了茶餐廳，還在吃著早餐。
他看了看手機，估計是想說我來晚了吧。
我馬上截住他，「冇遲，啱啱好九點。」



「唔駛咁撚敏感嘅，我睇下時間啫。」他說。

廢話，都看時間了，還說不是敏感，頭生得那麼大，腦子又不見得大。
「一份早餐A，凍啡。」我向遠處的伙計說。

「聽日放假喎，有咩地方去。」侏儒兄問。

「未諗，可能喺街練習點樣扮外國人問路，而家香港味仲係太重。」

「你搞笑咋！？」



「又或者報個日文班啦，以後專扮㗎仔。」

「聽日一齊去搵我老豆啦。」

「做咩呀？」

「職業培訓囉。條仆街以前用刀片好撚勁㗎！叫個老嘢教下我地，你都唔想每日淨係搵千零蚊㗎！」

「做咩突然咁上進？」

「冇，同你合作左之後，我突然覺得…我應該可以搵得更多。之前太hea喇。同埋你都幾有天份，可能個人夠閪掛。」

「刀片要學幾耐？」



「學就快，但要用得好，至少練半年到一年啦。」

屌….破產令還有八個月到期，估計沒練好就已經到我死期了。

「其實搵千零蚊一日….我好滿意㗎喇，大把人一日都搵唔到咁多啦。」我說。

「早d搵夠早d收山嘛！我都唔想一世做雀。」

伙計將凍啡放到桌子上，我喝了一口。心想好吧，明天就去敷衍一下。「好，咁聽日就咁安排啦。」

我再喝兩口，才想起我不應該喝咖啡，自己碎碎諗地道：「哎，我唔應該叫凍啡…」

「點解呀？」侏儒兄問。

「我應該尿道炎，呢兩日柯尿鬼死咁痛，凍啡仲要利尿添。而家柯篤尿都柯到內八腳咁。」



「係咪性病呀？最近有冇亂搞野呀？係就咪癡咁埋呀，大佬。」

「冇呀…..你分得咁少比我，邊有錢亂搞吖。」

「潤尻我呀！」侏儒兄撿起桌子上的紙巾扔向我。

「冇...邊敢吖，而家你係大佬，跟你搵食㗎嘛。不過話時話，你唔驚我學識左用刀片，到時飛起你嘅咩？」

「到時咪五五分囉，你總需要個拍檔嘅。而且雖然你個人係仆街d，但其實唔算太差嘅。」

我笑了笑，沒說話。